20:10, 22 Шілде 2018 | GMT +6
Денис Теннің өлімі: Алматы полицейлері қаладағы қылмыс бойынша есеп береді
АСТАНА. ҚазАқпарат - «ҚазАқпарат» Халықаралық ақпарат агенттігі 23 шілде күні Қазақстанда өтетін маңызды шараларға шолуды ұсынады.
АСТАНА
Сағат 12.20-да Орталық коммуникациялар қызметінде Қазақстан Республикасының жоғары оқу орындарындағы білім беру бағдарламалары рейтингінің бірінші кезең нәтижелеріне арналған баспасөз мәслихаты өтеді.
Ал сағат 16.20-да Орталық коммуникациялар қызметінде басталатын баспасөз мәслихатында жаңа оқу маусымына даярлық мәселелері айтылады. Спикер: ҚР Денсаулық сақтау министрлігі Қоғамдық денсаулық сақтау комитетінің төрағасы,Қазақстанның Бас санитарлық дәрігері Жандарбек Бекшин.
АЛМАТЫ
Сағат 11.00-де Алматының Қоғамдық кеңесі Денис Теннің өліміне байланысты Ішкі істер департаментінің қаладағы қылмыспен күрес бойынша шаралары туралы есебін тыңдайды. Отырыс «Тұран» университетінде өтеді.