13:49, 28 Қазан 2016 | GMT +6
Демалыс күндері Қазақстанның оңтүстігінде ауа температурасы +22 градусқа дейін жылынады
АСТАНА. ҚазАқпарат - 29-31 қазанда Қазақстанның оңтүстігінде ауа температурасы +22 градусқа дейін жылынады, деп хабарлады «Қазгидромет» РМК.
«Қазан айында Қазақстандағы ауа райына әсер еткен солтүстіктен келген суық ауа ағынын біртіндеп оңтүстік-батыстан келген жылы ағын ығыстыруда. Сондықтан алдағы үш тәулікте республикада ауа температурасы көтеріледі деп болжанған. Атмосфералық фронттардың өтуімен Қазақстанның солтүстік аймақтарында жауын-шашын болады, ал оңтүстікте кей жерлерде жаңбыр жауады деп күтілуде.
Ауа температурасы орташа көпжылдық деңгейге жуық және одан жоғары болады. Оңтүстік пен оңтүстік-шығыста күндізгі температура 17-22º жылынады деп күтілуде»,- делінген хабарламада.