Демалыс күндері Қазақстанда қар жауып, бұрқасын болады

АСТАНА. ҚазАқпарат - Демалыс күндері Қазақстанның көптеген облыстарында қар жауып, бұрқасын болады, республиканың оңтүстік және оңтүстік-шығысында жауын-шашын, жаңбыр, жаңбыр аралас қар түсіп, дүйсенбі күні кей жерлерде боран болады. Бұл туралы ҚазАқпарат хабарлайды.

Синоптиктердің мәліметінше, ауа райының салқындауы Қазақстанға Батыс Сібірден жылжып келе жатқан салқын ағындарға байланысты. Олар өзімен бірге арктикалық ылғалды ауаны әкеліп, республиканың барлық дерлік аумағында күн салқындауына себеп болады.

Бұл күндері солтүстікте ауа температурасы климаттық нормадан 2...5 градус, ал орталық және шығыс облыстарда - 5...10 градус төмен болады.