Демалыс күндері Қазақстанда ауа райы қандай болады

НҰР-СҰЛТАН. ҚазАқпарат – Синоптиктер 5-7 қазанға арналған ауа райы болжамын ұсынады, деп хабарлайды ҚазАқпарат «Қазгидромет» РМК-ға сілтеме жасап.

«Алдағы үш тәулікте Қазақстанның ауа райына антициклон әсер ететін болады. Сондықтан демалыс күндері республикада күн бұлтсыз, жауын жаумайды. Күндіз ауа 15....23 градусқа дейін, оңтүстік өңірлерде 18...27 градусқа дейін жылынады. Алайда солтүстік, орталық және шығыс облыстарда түнде аяз болады», делінген хабарламада.