Делиде атыс түрлерінен Азия чемпионатында екі спортшымыз Олимпиада лицензиясына ие болды

АСТАНА. ҚазАқпарат - 25 қаңтар мен 3 ақпан аралығында Делиде спорттың ату түрлерінен Азия чемпионаты өтіп жатыр, деп хабарлады спорттың осы түрінен федерация баспасөз қызметі.

Ең мықты спортшылар Рио-де-Жанейродағы Олимпиадаға жолдама үшін күрес жүргізуде.

Үшінші жарыс күнінің қорытындылары бойынша, Андрей Могилевский (Астана қаласы) мен Максим Коломоецтен (Қызылорда қаласы) құралған біздің командамыз трапта Олимпиада лицензиясына ие болды. Осылайша бұл спортшылар 2016 жылғы Жазғы Олимпиада ойындарында Қазақстанның атынан шығу құқығын алу үшін іріктеуге қатысады.