+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

ДДҰ коронавирус пандемиясының екінші толқыны жөнінде ескертті

2020 жылғы 26 мамыр 08:01
Бөлісіңіз:
ДДҰ коронавирус пандемиясының екінші толқыны жөнінде ескертті

БРЮССЕЛЬ. ҚазАқпарат – Коронавирусты жұқтыру жағдайлары азайып отырған елдер бақылауды әлсірететін болса, індеттің екінші толқынына тап болуы мүмкін. Бұл туралы дүйсенбі күні онлайн-брифинг барысында Дүниежүзілік денсаулық сақтау ұйымының денсаулық сақтау саласындағы төтенше жағдай жөніндегі бағдарламаның жетекшісі Майкл Райан айтты, деп хабарлайды «ҚазАқпарат» ХАА-ның арнаулы тілшісі.

Ұқсас жаңалықтар
Коронавирус пневмониясы: Бір күнде 204 адам ауруға шалдығып, 4 науқас көз жұмды Елімізде 701 науқас коронавирустан жазылды Қысқы қолғап коронавирустан қорғай ма

Оның айтуынша, қазір әлем коронавирус пандемиясының алғашқы толқынының бел ортасына жетті. Себебі Орталық және Оңтүстік Америкада, Оңтүстік Азияда және Африкада індетке шалдығу қарқынмен жалғасуда. Аурудың таралуы толқын тәріздес болады: өсімнен соң төмендеу байқалып, кейін жұқтыру қайта басталады.

ДДҰ өкілі атап өткендей, мамандар «екінші толқын» ұғымын келесідей түсіндіруде: бірінші толқында сырқаттанғандар саны барынша төмен деңгейге дейін азаяды, ал бірнеше айдан соң ауру қайта өршиді.

«Және бұл бірнеше айдан кейін көптеген мемлекеттерде көрініс табуы мүмкін», - деді ол.

Бұл ретте, пандемияның екінші кезеңі маусымдық тұмаумен тұспа-тұс келуі ықтимал.

Онымен қоса, М.Райан адамзат пандемияның бірінші кезеңінде оны қайта өршітіп алуы мүмкіндігін ескертті. Мұндай жағдай 1918-1920 жылдары испан грипінің пандемиясы кезінде болған.

Осыған орай, әлем елдері денсаулық сақтау саласындағы кешенді шараларды жалғастыруы тиіс, коронавирусқа тестілеуді тоқтатпай, оның таралу жолдарын зерттеуі қажет. Сондай-ақ инфекцияның екінші толқынын болдырмас үшін әлеуметтік шараларды күшінде қалдырған жөн.


Біздің каналымызға жазылыңыз:

Бөлісіңіз:

Автор:

Мира Төлендіқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT