ДДСҰ Pfizer вакцинасын шұғыл жағдайда қолдануға рұқсат етті

ЛОНДОН. ҚазАқпарат – Дүниежүзілік денсаулық сақтау ұйымы Covid-19 қарсы Pfizer вакцинасын шұғыл жағдайда қолдануға рұқсат етті. Және бұл әлемде мұндай рұқсат алған алғашқы препарат, деп хабарлайды ҚазАқпарат ВВС-ге сілтеме жасап.

ДДСҰ мәлімдемесінде вакцинаның сапасын, қауіпсіздігі мен тиімділігін әлемнің әр түрлі елдерінің сарапшылары бағалағандығы айтылған.

Шұғыл қолдануға рұқсатты барлық қажетті сынақтардың нәтижелері әлі дайын емес, бірақ эпидемиямен күресу үшін қажет препараттар алады.

Дүниежүзілік денсаулық сақтау ұйымы мұндай рұқсат вакцинаны бірқатар елге, соның ішінде дамушы елдерге жеткізуге кейбір кедергілерді алып тастайтынын атап өтті.

Бұдан бұрын хабарланғандай, алдын ала нәтиже көрсеткендей, ғалымдар коронавирустан 90% қорғайтын тиімді вакцинаны жасап шығарды.

Pfizer және BioNTech әзірлеуші компаниялар бұл оқиғаны ғылым мен адамзат үшін ұлы күн деп атады. Клиникалық сынақтарға әлемнің алты елінде 43500 адам қатысып, оның еш жанама әсері болмады. Әзірлеушілер жаңа вакцинаны қараша айының соңында қолданып көрмек. Сол үшін жедел сертификаттау процедурасына өтініш беруді жоспарлап отыр