ДДСҰ басшысы: Қазақстанда 2 млн жуық адамға вакцина салынғаны - өте жақсы көрсеткіш

None
None
НҰР-СҰЛТАН. ҚазАқпарат - Қасым-Жомарт Тоқаев Дүниежүзілілік денсаулық сақтау ұйымының бас директоры Тедрос Адханом Гебрейесуске Қазақстанда коронавируспен күресу үшін қабылданып жатқан шаралар жөнінде мәлімет берді, деп хабарлайды ҚазАқпарат.

Әңгіме барысында COVID-19 індетіне қарсы екпе егу үдерісіне баса мән берілді.

Президент Дүниежүзілік денсаулық сақтау ұйымының басшысына қазақстандық QazVac вакцинасының клиникалық сынамаларының алдын ала нәтижелері туралы айтты.

Отандық вакцинаның тиімділік деңгейі - 96 пайыз. Қазіргі уақытта салалық органдар отандық вакцинаға келісім алу үшін Дүниежүзілік денсаулық сақтау ұйымымен жұмыс жүргізіп жатыр.

«Бүгінге дейін 2 миллион адамға вакцина салынған екен. Бұл - өте жақсы көрсеткіш. Көптеген ел мұндай деңгейге жеткен жоқ. Халықтың 55 пайызына екпе саламыз деген мақсаттарыңыз қолдауға тұрарлық», – деді Дүниежүзілік денсаулық сақтау ұйымының басшысы Тедрос Адханом Гебрейесус.

Сонымен қатар ол QazVac екпесінің әзірлемесін қолдайтынын және Дүниежүзілік денсаулық сақтау ұйымы төтенше жағдай кезінде пайдалануға болатын дәрі-дәрмектердің тізіміне қосу мүмкіндігін қарастыруға дайын екенін айтты.

Еске сала кетейік, бүгін Қасым-Жомарт Тоқаев Дүниежүзілік денсаулық сақтау ұйымының Бас директоры Тедрос Адханом Гебрейесуспен кездесті.


Соңғы жаңалықтар