+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Дауыс беру күні сайлау учаскелеріне 16 шағым түсті - ОСК

2019 жылғы 10 маусым 14:59
Бөлісіңіз:
Дауыс беру күні сайлау учаскелеріне 16 шағым түсті - ОСК

НҰР-СҰЛТАН. ҚазАқпарат - Дауыс беру күнінде сайлау учаскелеріне азаматтардан 16 шағым түсті. Бұл туралы бүгін ҚР Орталық сайлау комиссиясының мүшесі Зәуреш Баймолдина айтты, деп хабарлайды ҚазАқпарат тілшісі.

«9 маусымда сайлау комиссияларына 18 шағым түсті. Бұл шағымдардың барлығы жеке тұлғалардан келді. Оның ішінде бізге, Орталық сайлау комиссиясына 11 шағым түсті. ОСК-ге түскен шағымдарды сипатына қарай келесі топтарға бөлуге болады. Шағымдардың басым бөлігі орнын айқындау мен дауыс беру тәсіліне қатысты мәселелер болды. Мәселен, сайлаушыларды сайлау учаскесінің нөмірін қалай білуге болатындығы, аталған учаскенің қайда орналасқаны, интернет арқылы дауыс беруге мүмкіндіктің бар-жоғы немесе электронды дауыс берудің басқа да мүмкіншіліктері қызықтырды», - деді Зәуреш Баймолдина Орталық сайлау комиссиясының отырысы барысында.

Оның айтуынша, келесі мәселелер сайлаушылардың тізіміне, оның ішінде есептен шығару куәлігінсіз қосуға қатысты болды. Сонымен қатар жекелеген сайлау учаскелеріндегі дауыс беруді ұйымдастырудағы бұзушылықтар турасында да шағымдар болды.

«Мұндай 4 шағым түсті. Қазіргі уақытта тексеру жүргізіліп жатыр. Аумақтық сайлау комиссияларына қатысты айтар болсам, бюллетеньдердің бір бөлігін жарамсыз деп танылуы мүмкін бұзушылықтар көрсетілді», - деді ол.


null

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT