+7 (701) 759 90 19
USD 409.19 EUR 461.24
RUB 5.67 CNY 58.26
Jańalyqtar

Дәурен Абаев: Astana Media Week мақсаты - ел тұрғындарының медиасауатын арттыру

2019 жылғы 11 қыркүйек 10:22
Бөлісіңіз:
Дәурен Абаев: Astana Media Week мақсаты - ел тұрғындарының медиасауатын арттыру

НҰР-СҰЛТАН. ҚазАқпарат - ҚР Ақпарат және қоғамдық даму министрі Дәурен Абаев Astana Media Week апталығын ашты, деп хабарлайды ҚазАқпарат.

Ұқсас жаңалықтар
Оралда «Бес ұрпақ» сауықтыру саябағы ашылды Қазақтың «ұлттық коды» сақталған Ықылас музейіне саяхат Қазақстандық бишілер World Folk Vision-2020 байқауында екінші орын иеленді

Министр Орталық Азияда баламасы жоқ бұл басқосудың сіз бен бізге, отандық медиа саласын дамытуға қосатын үлесі жоғары болатынына сенім білдірді.

«Мемлекеттік мүддені халыққа жеткізіп, қоғамдағы өзгерістерге сай көзқарас қалыптастыруда медиа саласының атқарар маңызы зор. Осы орайда, еліміздің ақпараттық құралдары алдында үлкен мақсат-міндеттер тұр. Ол Елбасы бастаған, Мемлекет басшысы қолдап отырған саяси-экономикалық және Рухани жаңғыру жөніндегі кешенді реформаларға жұртшылықты жұмылдыру. Astana Media Week диалог алаңындағы негізгі мақсаттардың бірі - сіздер бір-бірлеріңізді танып, пікір алмасады деген ниет. Осылайша, еліміздің медиа саласын әр тараптан емес, ортақ мүдде аясында дамыту деген тілек бар. Бұл ауқымды шараның көздеген тағы бір мақсаты - ел тұрғындарының медиасауаттылығын арттыру, медиамәдениетті қалыптастыру. Ақпарат және қоғамдық даму министрлігі масс-медианың сапасын арттыратын кез келген бастаманы қолдауға әрқашан дайын. Сіздерді панельдік сессияларға белсене қатысуға шақырып, бүгінгі және алдағы жиындарға табыс тілеймін.

Оның айтуынша, медиа саласындағы өзекті мәселелер жылдан-жылға көбейіп келеді. Оның басты себебі - ақпаратты өндіру мен тұтыну процесінің түбегейлі өзгеруі.

«Ұялы телефонның теледидармен және басылымдармен бәсекеге түскені баршамызға белгілі. Бұл процесте технологиялық немесе маркетингтік қана емес, этикалық, демографиялық және әлеуметтік-саяси ерекшеліктері де бар. Мойындау керек, мемлекет үлкен және икемсіз бюрократиялық механизм ретінде бұл өзгерістерге біз ойлағандай жедел жауап бере алмай отыр. Сондықтан, біз үшін, мемлекеттік органдар үшін қазіргі өзгерістерге жауап беру үшін сіздердің, кәсіби мамандардың пікірі мен көзқарасы өте маңызды», - деді Дәурен Абаев.

Айта кетейік, елордадағы «Қазмедиа» орталығында үш күнге созылатын Орталық Азиядағы ең ірі медиа-оқиға — Astana Media Week басталды.

Astana Media Week-тің бірінші күні сериалдық өнімдерді әзірлеу және шығару тақырыбымен және салық преференциялары, кино прокатының шарттары, мазмұны, фильм өнімінің шығармашылық деңгейі және оның демеушілер үшін тартымдылығы тақырыбымен ерекшеленеді.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT