Дәурен Абаев: Адамдар жалған ақпаратты ажырата білуі керек
Жалған ақпаратты қамтитын роликтер көптеп кездесетіне тоқталған министр, осы орайда әрбір адам бұл мәліметтерді ажырата білуі керектігін жеткізді.
«Бұл бағыттағы жұмыстар жетілдіріліп жатыр. Алайда жалған ақпараттарды да жетілдіру деңгейі байқалады», - деді Дәурен Абаев Орталық коммуникациялар қызметіндегі баспасөз мәслихатында.
Министрдің атап өтуінше, жалған ақпараттарды анықтауда Ақпарат және қоғамдық даму министрлігінің жалғыз күш-жігері жеткіліксіз.
«Баланы тәрбиелеуде (баланың дамуына зиян келтіретін мәліметтерге тосқауыл бойынша) ата-ананың да күш-жегері керек. Яғни, балалар нені көріп жатқанын немен айналысып жатқанын қарау қажет. Білім және ғылым немесе Ақпарат және қоғамдық даму министрліктері осының барлығын қадағалай алмайды. Бұл бағыттағы шараларды ата-аналар да назарда ұстауы керек», - деді министр.