+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

«Дарын» мемлекеттік жастар сыйлығына байқау жарияланды

2019 жылғы 16 мамыр 17:25
Бөлісіңіз:
«Дарын» мемлекеттік жастар сыйлығына байқау жарияланды

НҰР-СҰЛТАН. ҚазАқпарат - Байқау - әдебиет, ғылым, дизайн және бейнелеу өнері, журналистика, классикалық музыка, қоғамдық қызмет, спорт, театр және кино, эстрада, халық шығармашылығы номинациялары бойынша өтеді, деп хабарлайды ҚазАқпарат.

«Дарын» мемлекеттік жастар сыйлығы - ғылым, шығармашылық, қоғамдық қызмет салаларында жемiстi еңбегімен көзге түскен, сондай-ақ спортта жоғары жетістікке жеткен дарынды жастарды мемлекет тарапынан қолдау мақсатында жыл сайын өтеді. Байқау - әдебиет, ғылым, дизайн және бейнелеу өнері, журналистика, классикалық музыка, қоғамдық қызмет, спорт, театр және кино, эстрада, халық шығармашылығы номинациялары бойынша өтеді», - деп хабарлайды ҚР Ақпарат және қоғамдық даму министрлігінен.

Байқауға республикалық және халықаралық конкурстар мен фестиваль лауреаттары, сондай-ақ республикалық және халықаралық деңгейдегі спорт жарыстарының жүлдегерлері мен жеңімпаздары қатыса алады.

Одан бөлек, инновациялық қызметі үшін немесе тиісті саланы дамытуға ықпал еткен Қазақстанның 29 жасқа дейінгі азаматтары аталған байқаудың үміткері бола алады.

«Үміткерлердің кандидатурасын ұсынуды мемлекеттiк органдар мен қоғамдық бiрлестiктердің өкілдері жүргiзедi. Барлық жеңімпаздарға ҚР Үкіметінің қаулысымен «2019 жылғы «Дарын» мемлекеттік жастар сыйлығының лауреаты» атағы беріледі және сыйлықтың иегері дипломмен, төсбелгімен сондай-ақ, ақшалай сыйақымен марапатталады», - делінген хабарламада.

Толық ақпаратты ҚР Ақпарат және қоғамдық даму министрлігінің сайтынан алуға болады.

Байқауға өтінімді 2019 жылдың 10 тамызына дейін ҚР Ақпарат және қоғамдық даму министрлігінің Жастар және отбасы істері комитеті қабылдайды (Нұр-Сұлтан қаласы, Мәнгілік ел көшесі, 8, Министрліктер үйі (15-кіреберіс, 549 кабинет), 8(7172)74-05-25, 8(7172)74-18-43 және premiya.daryn2019@gmail.com).

Біздің каналымызға жазылыңыз:

Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT