+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Дәрігерлер туберкулезден емделушілерді смартфон арқылы қадағалайды

2020 жылғы 24 ақпан 13:47
Бөлісіңіз:
Дәрігерлер туберкулезден емделушілерді смартфон арқылы қадағалайды

АЛМАТЫ. ҚазАқпарат – Туберкулезге шалдыққан науқастар емханаға келмей-ақ, емін үйде жүргізе алады. Оларды фтизиаторлар смартфон арқылы қадағалайды. Бұл туралы Ұлттық фтизиопульмонология ғылыми орталығының директоры Мәлік Әденов айтты, деп хабарлайды ҚазАқпарат тілшісі.

Ұлттық фтизиопульмонология ғылыми орталығының директоры Мәлік Әденов саладағы бірқатар өзгеріспен қатар жаңа технологиялық жетістіктердің еліміздің шалғай аймақтарында тұратын науқастарды қашықтан бақылауға жол ашып отырғандығын мәлім етті.

«Тиісті ем қабылдау үшін емханаға күнделікті келу міндетті емес. Яғни, айналасындағыларға қауіп тудырмайтын науқастар дәрісін үйінде қабылдап, смартфон арқылы емдеу мекемесімен байланысқа шығып отырса жеткілікті. Жаңа технологияны қолдану арқылы медбикенің жүктемесі де азаюда. Мысалы, емхана дәрігері күніне 10-15 адам қабылдайтын болса, бейнебайланыс арқылы бұл көрсеткіш 40 адамға жеткен» – дейді ҚР ДСМ «Ұлттық фтизиопульмонология ғылыми орталығының» директоры Мәлік Әденов.

Жүріп-тұруы мен қозғалуы қиын науқастарға фтизиопульмонология орталығының мобилді тобы көмектеседі. Олар қажетті дәрілердің ішу уақытын қадағалайды.

«Біз науқастардың әлеуметтік жағдайын да назардан тыс қалдырмаймыз. Смартфоны жоқ адамдарға уақытша мобильдік қосымшасы жүктелген ұялы телефонды ұсынамыз. Сол арқылы оның емін бақылауды жалғастырамыз»,- деді Мәлік Әденов.

Қазір еліміздегі барлық фтизиаторлар тұрғындармен қоян-қолтық жұмыс істейді. Ауруға қарсы егу, флюрография, қолжетімді ақпараттар – туберкулезбен күрестің басты қаруы.

«Бүгінгі таңда аурудың алғашқы белгілерін әр адам білуі тиіс. Бұл – жүдеу, екі аптаға созылатын жөтел, дене қызуының көтерілуі. Әрине, мұндай жағдайды болдырмаудың негізгі жолы аурудың алдын алуға байланысты. Егер науқастың бойынан туберкулез белгісі табылып жатса, ерте бастан емдеу тиімді әрі сапалы болады», - деді Мәлік Әденов


Біздің каналымызға жазылыңыз:

Басты сөздер: Медицина,
Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT