Дәрігерлер трамвай астына түскен әйелді шұғыл босандырып алды

ЧИТА.ТАСС-ҚазАқпарат – Дәрігерлерге бейсенбі күні кешке Улан-Удэде трамвай астына түскен әйелді шұғыл босандырып алуға тура келді. Нәрестенің жағдайы ауыр, деп хабарлайды ҚазАқпарат ТАСС агенттігіне сілтеме жасап.

Бурятия бойынша ІІМ басқармасының баспасөз қызметінен мәлім еткендей, сәби ауыр халде республикалық клиникалық балалар ауруханасында жатыр. Қажетті көмектің барлығы көрсетілуде.

Әйел адам дәрігерлердің бақылауында, қазіргі таңдағы халі туралы ақпарат әзірге берілмей отыр.