Қолданушы баптаулары
Қолданушы баптаулары
+7 (701) 759 90 19 Лента
Астана: 30 °С
Алматы: 30 °С
USD 345.55 EUR 401.01
RUB 5.45 CNY 50.98
Жаңалықтар

Дәрігер қателігін қылмыс деп танымау жауапкершіліктен босата ма – заң жобасы

2018 жылғы 17 сәуір 18:03 1842
Бөлісіңіз:
Дәрігер қателігін қылмыс деп танымау жауапкершіліктен босата ма – заң жобасы

АСТАНА. ҚазАқпарат - Бүгінде еліміздің кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізуді көздейтін заң жобасы қоғамда талқыланып жатыр. Аталған заңға енгізілетін өзгерістердің бірі дәрігер қателігін қылмыс деп тану ұғымын нақты анықтау, деп хабарлайды ҚазАқпарат.

Ұқсас жаңалықтар
Денсаулық сақтау саласында қандай өзгерістер болады ШҚО-ның медицина мамандары алғаш рет бүйрек ауыстырды

Дәл осы ұғымға қатысты пікір білдірген Денсаулық сақтауды дамыту республикалық орталығының бас директоры Айнұр Айыпханованың айтуынша, жаңа заң жобасында 13 түрлі тақырып бойынша өзгерту енгізу көзделіп отыр. Соның бірі - дәрігерлердің қылмыстық және әкімшілік тәртіпбұзушылықтарының кейбір құрамын қайта қарау.

«Мәселен, қазіргі қолданыстағы Қылмыстық кодекстің 317-бабына өзгерістер енгізіліп жатыр. Яғни, аталған кодекстің 317-бабынан «медициналық немесе фармацевтикалық қызметшiнiң кәсiптiк мiндеттерi тиiсiнше орындалмауы» деген ұғымнан «медициналық көмектiң тәртiбi мен стандарттарының сақталмауы» деген сөздерді алып тастамақпыз. Дәл осы сөздерді алып тастаудың нәтижесінде кез келген дәрігерді медициналық қызмет стандартын сақтамадың деген желеумен түрмеге қамауға шектеу қойылады», - деді ол ҚазАқпарат тілшісіне берген сұхбатында.

Айта кетерлігі, елімізде дәрігердің күнделікті жұмысын қадағалауға негіз болатын 900-ден астам клиникалық хаттама, 30-дан астам медициналық қызмет көрсету стандарты, Денсаулық сақтау министрлігінің бұйрықтары сияқты құжаттар бар.

Осындай өзгерістің нәтижесінде дәрігердің қателігін қылмыс деп тану ұғымы нақты сипатталады.

«Жалпы, дәрігердің күнделікті жұмыс барысында медициналық қызметтің стандартын немесе тәртібін орындамау деген сөздің ұғымы өте кең. Медициналық құжатты толтыру барысында тіпті тыныс белгісінен қателікке бой алдырған дәрігерді стандартты сақтамаған деп айыптауға болады. Содан келіп «шаш ал десе, бас алатын» жағдайлар болып жатады. Міне, сондықтан мағынасы шамадан тыс кең сөздерді нақты сөздермен алмастырдық. Сонымен қатар, қызметіне немқұрайды, салғырт қарау салдарынан қайғылы оқиғалар (яғни науқасқа зиян келтіру) болған жағдайда, дәрігердің жауапкершілікке тартылатындығы өзгеріссіз қалады», - деді Айнұр Айыпханова.

 

 


Басты сөздер: Медицина, Заң,
Бөлісіңіз:

Автор:

Марлан Жиембай

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Айдар Оспаналиев
Айдар Оспаналиев
954-059
Мұрағат