USD 434.84 EUR 498.2
RUB 5.72 CNY 68.47
Jańalyqtar

Дәрігер: Алматыда Pfizer вакцинасын алуға ниет білдірушілер көп

2021 жылғы 24 қараша 14:18
Бөлісіңіз:
Дәрігер: Алматыда Pfizer вакцинасын алуға ниет білдірушілер көп

АЛМАТЫ. ҚазАқпарат- Алматыда Pfizer вакцинасын алуға ниет білдірушілер көп. Бұл туралы №7 емхананың бас дәрігерінің орынбасары Нұрбол Жұмабеков брифинг барысында айтты, деп хабарлайды ҚазАқпарат тілшісі.

Ұқсас жаңалықтар
Атырау облысында Pfizer вакцинасын 3 626 адам салдырды Алматыда 24 мыңға жуық жасөспірім Pfizer вакцинасын алды

Спикердің сөзінше, Алматыда күн сайын 132 вакцинация пункті, оның ішінде №7 қалалық емхананың екпе салу бөлмесі жұмыс істейді.

«Біз вакциналаудың жақсы қарқынына жеттік. Жалпы, жасөспірімдердің, жүкті әйелдер мен бала емізетін аналардың белсенділігі қуантады. Науқан басталғаннан бері біздің емханада 324 адам екпе алды, оның ішінде 11 жүкті әйел, 31 бала емізетін ана 282 жасөспірім бар. Біз «Комирнати» Pfizer препаратының тиімділігі 95%-ды құрайтынын айтып отырмыз», - деді Нұрбол Жұмабеков.
Сонымен қатар, ол Алматының Бостандық ауданына барлығы Pfizer өндірген вакцинаның 2 016 дозасы бөлінгенін, қазірдің өзінде 1 386 адам егілгенін айтты.
«Әрбір егу пунктінде қауіпсіздіктің қатаң нормалары, атап айтқанда температуралық режим сақталады. Вакцина алған кезде бірінші кезекте пациентті тексеру жүзеге асырылады, оның барысында анамнез алынады. Сондай-ақ, дәрігерлер өткен аурулар туралы сұрайды.Температураны, қысымды өлшеу, жұтқыншақты тексеру тікелей жүргізіледі. Сонымен қатар, дәрігерлер вакциналанған адамға немесе оның ата-анасына сауалнама жүргізеді. Ал жүкті әйелдерді вакцинациялау кезінде мерзімдерді белгілеу қажет»,- дейді дәрігер.
Спикер «Комирнатидің» бір құтысы 6 адамға есептелгенін және алты сағаттан аспау керек екенін еске салды.
Нұрбол Жұмабеков вакцинацияға тіркеу орны арқылы алдын ала жазылуға кеңес берді.
№7 емхананың бас дәрігерінің орынбасары вакциналау науқаны басталғаннан бері вакциналанғандардың арасында 1-2 күн ішінде инъекция орнында температураның шамалы көтерілуі мен ауырсынуды қоспағанда, елеулі жанама әсерлер байқалмағанын айтты.
«Инъекция салынған жерге үш күн бойы су тигізуге және физикалық белсенділік танытуға, ваннаға түсуге болмайды. Егер жайсыз сезіну байқалса өз дәрігеріңізге немесе екпе салған дәрігерге хабарласқан жөн»,- дейді ол.
Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT