+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Дариға Назарбаева: Жергілікті өзін-өзі басқару толыққанды және күшті буын болуы тиіс

2019 жылғы 1 қараша 17:45
Бөлісіңіз:
Дариға Назарбаева: Жергілікті өзін-өзі басқару толыққанды және күшті буын болуы тиіс

ПАВЛОДАР. ҚазАқпарат - ҚР Парламенті Сенатының Төрағасы Дариға Назарбаеваның Павлодар облысындағы жұмыс сапары облыстық және қалалық мәслихат депутаттарымен кездесуден басталды, деп хабарлайды ҚазАқпарат жоғары палатаның баспасөз қызметіне сілтеме жасап.

Ұқсас жаңалықтар
Сенатор қабылдаған 25 тұрғынның мәселелерінің көпшілігі сол жерде шешілді –Талдықорған Сенаторлармен кездесуде кәсіподақтардың рөлін нығайту мәселелері талқыланды - Қарағанды Депутаттар Ақтаудағы ауыз су тапшылығын жою қажеттігін атап өтті

Жүздесуде Парламент Сенаты мен аймақтағы заң шығару органдарының өзара іс-қимыл мәселелері талқыланды. Д.Назарбаеваның айтуынша, елдің басқару жүйесінде жергілікті өзін-өзі басқару толыққанды және күшті буын болуы тиіс.

Кездесу барысында депутаттар Сенат Төрағасына аймақты дамытудың өзекті мәселелері туралы айтты. Амбулаторлық көмек көрсету тарифтерін арттыру, құрылыстың сапасы мен қауіпсіздігі, оқушыларды ыстық тамақпен қамтамасыз етуге қатысты әңгіме өрбіді.

Депутаттар сондай-ақ өңірдегі экологиялық мәселелерді де қозғады, олардың арасында өнеркәсіп өндірістерінің атмосфераны ластауы ерекше алаңдатып отыр.

Сенат басшысы өз сөзінде табиғатты қорғау қызметін қаржылық қамтамасыз ету мәселелеріне баса назар аударды. Д.Назарбаева қазіргі кезде экологиялық тұрғыда зиян келтіретін кәсіпорындар аз айыппұл төлеп келе жатқанын, дегенмен бұл жағдайды өзгерту керектігін атап өтті. Жиналған қаражатты бөлу жөнінде де назар аударатын мәселелер бар.

«Бұл айыппұлдар қайда кетіп жатыр, олар қайда жинақталады, кімнің қарамағына түседі? Біз оны Үкіметпен байыпты түрде талқылауымыз керек. Былай болуы керек, облыста орналасқан кәсіпорындардың эмиссияларынан жиналатын қаржының едәуір бөлігі облыста қалып, табиғат қорғау шараларына жіберілуі тиіс», - деді Д.Назарбаева.

Д.Назарбаева С.Торайғыров атындағы ғылыми әмбебап кітапханасында облыстық және қалалық қоғамдық кеңес мүшелерімен кездесті. Билік пен халық арасындағы үнқатысудағы жұртшылық өкілдерінің рөлі, сондай-ақ қоғамдық кеңестер жұмысының тетіктерін жетілдіру талқылау тақырыбы болды.

Сенат Төрағасы жұмыс сапары барысында «Павлодар» арнайы экономикалық аймағында байытылған алюминий өндіру зауытында болды.

Дариға Назарбаеваға арнайы экономикалық аймағының жұм

ысы көрсетіліп, инвесторларға арналған жағдайлар туралы айтылды. Сенат Төрағасы байытылған алюминий шығаратын және оның жеңіл балқымасынан автомобиль дискілерін жасайтын «Giessenhaus» зауытының жұмысымен танысты. Зауыт 2017 жылы іске қосылған болатын. Кәсіпорынның жобалық қуаты жылына 5400 тонна өнімді құрайды.
Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT