+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Дариға Назарбаева Словакия Ұлттық Кеңесінің Төрағасымен кездесті

2019 жылғы 23 қыркүйек 20:36
Бөлісіңіз:
Дариға Назарбаева Словакия Ұлттық Кеңесінің Төрағасымен кездесті

НҰР-СҰЛТАН. ҚазАқпарат - Парламент Сенатының Төрағасы Дариға Назарбаева Словакия Республикасы Ұлттық Кеңесінің Төрағасы Андрей Данкомен кездесті, деп хабарлайды ҚР Парламенті Сенатының баспасөз қызметі.

Кездесу барысында Қазақстан мен Словакияның парламентаралық іс-қимылы мен экономикалық ынтымақтастық мәселелері талқыланды. Тараптар екі ел арасындағы байланыстардың қарқынды дамуы мен парламенттер ынтымақтастығының тиімділігін арттыра түсу қажеттігін атап өтті.

Сенат Төрағасы биылғы жылы Словакия төрағалық етіп отырған ЕҚЫҰ ынтымақтастығына Қазақстан зор маңыз беретінін атап өтті. Д.Назарбаева еліміз Словакия төрағалығының бағдарламасын қолдайтынын және алға қойылған жоспарларды іске асыруда көмек көрсетуге әзір екенін айтты.

Сенат басшысы сондай-ақ екі ел арасындағы сауда-экономика саласындағы ынтымақтастықты кеңейту мәселесіне назар аударды. Қазақстан Словакияда шығарылатын машина жасау технологияларын тартуға ерекше мүдделі. Сондай-ақ Дариға Назарбаеваның айтуынша Словакия кәсіпкерлері ЕАЭО артықшылықтарын пайдалана алады.

«Словакиялық кәсіпкерлерге одақтың көп миллиондық нарығына шыға алатын жоғары технологиялық бірлескен кәсіпорындарды Қазақстанда ашуды ұсынамыз. Біздің еліміз өнімдеріңізді үшінші елдер нарығына ілгерілететін көпір бола алады», - деді Д.Назарбаева.

Словакия Республикасы Ұлттық кеңесінің Төрағасы А.Данко өз кезегінде Сенат басшысына кездесу үшін алғыс айтып, экономика және заң тұрғысында ынтымақтастықты дамытуға әзір екенін білдірді.

Словакия Парламентінің басшысы сондай-ақ ірі инвестициялық жобаларды дамыту алаңы ретінде Қазақстанға назар аударған инвесторлар туралы айтып өтті.

А.Данко одан басқа білім беру, қорғаныс және ауыл шаруашылығы, сондай-ақ орман шаруашылығын дамыту саласында ынтымақтастыққа әзір екенін айтты.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT