+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Дариға Назарбаева Швеция Корольдігінің байқаушысы К. Харстедпен кездесті

2019 жылғы 10 маусым 19:10
Бөлісіңіз:
Дариға Назарбаева Швеция Корольдігінің байқаушысы К. Харстедпен кездесті

НҰР-СҰЛТАН. ҚазАқпарат - ҚР Парламенті Сенатының төрағасы Дариға Назарбаева Швеция Корольдігінің байқаушысы, Елші, швед Үкіметінің Солтүстік Корея және Мьянма мәселелері жөніндегі арнаулы уәкілі К. Харстедпен кездесті. Бұл туралы Сенаттың баспасөз қызметі хабарлады.

Сенат басшысы Қазақстан Республикасы Президентінің кезектен тыс сайлауына байқаушы ретінде қатысқаны үшін алғыс білдірді. Ол сайлау науқаны ашық өткенін және сайлауға мониторинг жүргізу үшін барлық жағдай жасалғанын атап өтті. Кездесуде тараптар түрлі бағыттар бойынша екіжақты ынтымақтастықты нығайтуды көздейтініне тоқталды.

Өткен жылдың мамыр айында «Қазатомөнеркәсіп» ҰАК мен шведтік «Ваттенфолл» энергетикалық компаниясы арасындағы келісімшарт бойынша қазақстандық уран жеткізілген болатын. Қазақстандық өнім үшін швед нарығы осылай ашылған еді.

Сенат басшысының пікірінше, индустрия, IT және жасыл технологиялар, экотуризм өзара іс-қимылдың келешегі зор бағыттары болуы ықтимал.

Кездесу барысында халықаралық күн тәртібіндегі жаһандық мәселелер талқыланды. Сенат басшысы К.Харстедтің Швеция үкіметінің Солтүстік Корея мен Мьянма мәселелері жөніндегі арнаулы өкілі ретіндегі белсенді қызметін атап өтті.

«КХДР-ны үнқатысуға тарту жөніндегі Сіздің күш-жігеріңізге қолдау білдіреміз, бірлесіп жұмыс істейтін ықтимал алаң ретінде Нұр-Сұлтан қаласын, атап айтқанда, Қазақстанның Тұңғыш Президенті қорын ұсынамыз, онда бітімгершілік жөніндегі қызметте мол тәжірибесі бар мамандар жұмыс істейді», - деді Д.Назарбаева.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT