Дариға Назарбаева президент сайлауына түспейді

НҰР-СҰЛТАН. ҚазАқпарат  - Ағымдағы жылдың 9 маусымында өтетін кезектен тыс президенттік сайлауға Сенат төрағасы Дариға Назарбаева  кандидат ретінде қатыспайды. Бұл жайында Сенат спикерінің көмекшісі Сәуле Мұстафаева айтты, деп хабарлайды ҚазАқпарат тілшісі.

«Жоқ, Дариға Нұрсұлтанқызы сайлауға түспейді», - деді ол.

Айта кетейік, бүгін ҚР Президенті Қасым-Жомарт Тоқаев республикалық телеарналар арқылы Қазақстан халқына үндеу жолдап, онда 2019 жылдың 9 маусымында кезектен тыс Президенттік сайлау өтетіндігін жариялаған болатын.