+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Дариға Назарбаева әр облысқа арналған парламенттік тыңдауларды өткізуді ұсынды

2019 жылғы 8 қазан 18:02
Бөлісіңіз:
Дариға Назарбаева әр облысқа арналған парламенттік тыңдауларды өткізуді ұсынды

ОРАЛ. ҚазАқпарат - Сенат төрағасы Дариға Назарбаева Батыс Қазақстан облысына жұмыс сапары барысында мәслихат депутаттарымен, мәслихат жанындағы Қоғамдық кеңес мүшелерімен және Кәсіпкер әйелдер қауымдастығының өкілдерімен бірқатар кездесулер өткізді, деп хабарлайды ҚазАқпарат жоғары палатаның баспасөз қызметіне сілтеме жасап.

Ұқсас жаңалықтар
Әлихан Смайылов «Жас маман» бағдарламасын жүзеге асыруға қатысты түсінік берді Қазақстан мен Армения төтенше жағдайдағы өзара көмекті нақтылады Үкімет бағаның өсуін бақылауда ұстап отыр – Әлихан Смайылов

Мәслихат депутаттары аймақтың дамуына қатысты Жайық өзеніндегі экологиялық жағдай, кәсіпкерлікті дамыту, агроөнеркәсіп кешенін қолдау туралы ең өзекті мәселелерді ортаға салды.


«Мүмкін, біз әр облысқа арналған парламенттік тыңдаулар жоспарлауымыз керек шығар. Сонда біз жергілікті жерлердегі адамдарды не толғандыратынын, шешілмей жатқан қандай жүйелі проблемалар барын бірден білетін боламыз. Бұл жерде реттеудің жоқтығынан немесе оның жеткіліксіздігінен, болмаса заңнамалық базаның әлсіздігінен шешілмейтін мәселелер туралы сөз болып отыр», - деді Д. Назарбаева мәслихат депутаттарымен кездесуде.

Сенат төрағасы мәслихат жанындағы Қоғамдық кеңес мүшелерімен кездесуде қазіргі кезде елімізде 4 мыңға тарта адам жұмыс істейтін 200-ден астам кеңес құрылғанын еске салды. Сондай-ақ, «қоғамдық кеңестердің міндеті – қабылданатын шешімдерге тұрақты сараптама жасаудың есебінен атқарушы және заң шығарушы биліктің өңірлік органдары жұмысының сапасын арттыру, мемлекеттік билік органдарының алдына аймақ халқын барынша алаңдататын өзекті мәселелерді қоя білу» екендігін атап өтті.


Д.Назарбаева Кәсіпкер әйелдер қауымдастығының өкілдерімен кездесу кезінде мемлекеттік басқару мен еліміздің саяси өміріне әйелдердің қатысуын кеңейтуге назар аударды. Оның пікірінше, Қазақстан халқының 50 пайызынан астамын әйелдер құрайтындығына қарамастан, олар мемлекеттік құрылымдарда аз. «Мемлекеттік органдар немесе компаниялардың басшыларымен қоса, көптеген жұмыс берушілер басшылық лауазымға әйелдерге қарағанда ер адамды көбірек алатыны құпия емес. Бұл жағдайды республикалық та, аймақтық деңгейде де өзгерту керек», - деді Д.Назарбаева.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT