Данияр Елеусінов бұрынғы әлем чемпионын техникалық нокаутпен жеңді
2020 жылғы 28 қараша 09:33

Данияр Елеусінов бұрынғы әлем чемпионын техникалық нокаутпен жеңді

НҰР-СҰЛТАН. ҚазАқпарат – Бокстан Рио олимпиадасының чемпионы, қазақстандық кәсіпқой боксшы Данияр Елеусінов (9-0, 5 КО) кезекті жекпе-жегінде жеңіске жетті, деп хабарлайды ҚазАқпарат.

Американың Флорида штатындағы Seminole Hard Rock Hotel & Casino аренасында өтіп жатқан бокс кешінде Данияр Елеусінов бұрынғы әлем чемпионы Джулиусо Индонгомен (23-2, 12 КО) жекпе-жекке шықты.

Қос боксшы алғашқы раундты бірден қарқынды бастады. Арада аз уақыт өткенде қазақстандық боксшы қарсыласын бір рет нокдаунға түсірді.

Екінші раундта Индонго сақ қимылдай бастады. Елеусінов шабуылын бәсеңдетпей, қарсыласын тағы да нокдаунға түсірді.

Осылайша, қарсылас жекпе-жектен бас тартып, қазақстандық боксшы жеңіске жетті.

Сондай-ақ, Елеусінов IBF Intercontinental титулын иеленді.

Данияр Елеусінов жекпе-жектен кейінгі сұхбатында жеңіске оңай қол жеткізгенін және үлкен айқастарды асыға күтетінін жеткізді.


Jańalyqtar

MURAǴAT