USD 434.84 EUR 498.2
RUB 5.72 CNY 68.47
Jańalyqtar

Данияр Елеусінов 2016 жылдың ең үздік боксшысы атанды

2016 жылғы 3 желтоқсан 21:35
Бөлісіңіз:
Данияр Елеусінов 2016 жылдың ең үздік боксшысы атанды

АЛМАТЫ. ҚазАқпарат - Алматыда Балуан Шолақ атындағы спорт сарайында Спорттық жекпе-жек және күш қолданатын спорт түрлері конфедерациясы кубогының турнирі шеңберінде 2016 жылғы ең үздік боксшылар мен бапкерлер марапатталды, деп хабарлайды ҚазАқпарат.


Қазақстандық бокс федерациясының ақпаратына сүйенсек, «Үздік боксшы» аталымында марапат Рио Олимпиадасының жеңімпазы Данияр Елеусіновке берілді.

«Ең үздік әйел-боксшы» ретінде Назым Қызайбай танылды. Ол биыл әлемнің екі дүркін чемпионы болды.


Жуырда ғана Санкт-Петерборда бокстан жастар арасында өткен әлем біріншілігінде «алтын» олжалап қайтқан Садриддин Ахмедов «Ең үздік жас боксшы» атанды.


Ал 2016 жылдың «Ең үздік бапкері» Данияр Елеусіновтың жеке жаттықтырушысы Марат Елеусінов болды. Жастардың ең үздік бапкері - ұлттық құраманың аға тәлімгері Ғалым Кенжебаев атанды.


«Үздік төреші» номинациясында Рио Олимпиадасына қатысқан Наталья Цойдың еңбегі атап өтілді. Қазақстан чемпионатын ұйымдастырған павлодарлық федерация «Ең үздік облыстық федерация» аталды. Ал Қазақстандық бокс федерациясының ең үздік ақпараттық демеушісі Kazsport арнасы болды.

Сондай-ақ боксты дамытуға және спорттың осы түріне қолдау білдіргені үшін ардагерлер - меценат Мүслім Дайырбековке, КСРО еңбек сіңірген бапкері Борис Цхвирашвилиге және Аманбай Әжібаевқа сыйлықтар мен марапаттар табыс етілді.

Біздің каналымызға жазылыңыз:

Бөлісіңіз:

Автор:

Мира Төлендіқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT