+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Данияр Ақышев бұғатталған 22 млрд АҚШ доллары туралы түсініктеме берді

2018 жылғы 18 қаңтар 17:42
Бөлісіңіз:
Данияр Ақышев бұғатталған 22 млрд АҚШ доллары туралы түсініктеме берді

МӘСКЕУ. ҚазАқпарат - ҚР Ұлттық банкінің басшысы Данияр Ақышев «Россия 24» арнасында ҚР Ұлттық қорындағы 22 млрд теңгенің бұғатталуына қатысты пікір білдірді, деп хабарлайды ҚазАқпарат тілшісі.

Оның айтуынша, мұндай келеңсіздік бұрын Ресейде де болған.

«Бізге де сол жағдай тап болып отырмыз. Сондықтан, бұл жерде Қазақстанға қатысты жүйелі әрекет деп қарастырмау керек. Біздің ойымызша, бұғаттау туралы шешім алаяқтық жолмен алынған. Сондықтан, біз сот процесін қозғап жатырмыз», - деді бас банкир.

Оның айтуынша, қазір бұл процеспен ҚР Әділет министрлігі айналысып жатыр.

ҚР Ұлттық банкі бұл процесте басты кеңесші ретінде қатысып жатыр.

«Біз сотқа 500 млн долларға арызданып жатырмыз. Ал бұғатталған сома 22 млрд доллар. Екеуінің айырмасы өте үлкен. Сондықтан, сот орындаушыларының әрекетін алаяқтық жолмен шешімнен бастау алғанын дәлелдеуге тырысып жатырмыз», - деді ол.

Данияр Ақышев одан ары қандай да болмасын түсініктеме беруден бас тартты. Бұл мәселе теңге бағамына қалай әсер ететінін де түсіндіріп өтті. Ұлттық банк басшысының хабарлауынша, бұл Қазақстанның ақша-несие саясатына еш ықпал етпейді.

«ҚР Ұлттық банкінің алтын валюта қоры сақтаулы. Ал Ұлттық қор қаржысына қатысты Әділет министрлігімен біріге зерттеу жүргізіп жатырмыз», - деді Ақышев.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Ербол Жанат
Ербол Жанат
954-059

MURAǴAT