+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Данияда танымал блогерлердің жазбалары қадағаланбақ

2019 жылғы 10 шілде 21:39
Бөлісіңіз:
Данияда танымал блогерлердің жазбалары қадағаланбақ

БРЮССЕЛЬ. ҚазАқпарат - Данияның балалар істері және білім министрі Пернилле Розенкрантц-Тайль әлеуметтік желілерде танымал блогерлердің жазбаларын реттеуді ұсынды, деп хабарлайды ҚазАқпарат BBC-ге сілтеме жасап.

Бұл ұсынысты Данияда 336 мың оқырманы бар танымал блогер Фие Лаурсен Instagram парақшасында өз-өзіне қол салу туралы жазба қалдырғаннан кейін жасады. Жазба желіде екі күн бойы тұрған. Кейін оны блогердің отбасы өшіріп тастаған. Оның отбасы Ф.Лаурсеннің ауруханада екенін, денсаулығы дұрысталып келе жатқанын растады.

«Біз әлеуметтік желілердегі балаларымыз бен жастардың, жалпы барлығының қамын жеуіміз керек. Сондықтан, біз БАҚ этикасы әлеуметтік желілердегі ірі профиль иелеріне де қатысты болуына ұмтылуымыз керек. Ал, парақша иелеріне редакторлық жауапкершілік артылуы тиіс», - деп жазды Пернилле Розенкрантц-Тайль Twitter-дегі парақшасында.

Лаурсеннің жазбасына 30 мыңнан астам адам «лүпіл» басып, 8 мыңнан астам адам пікір қалдырған.

«Адамдардың әлеуметтік желілердегі оқырмандар саны белгілі бір деңгейге жеткен кезде, олардың жауапкершіліктері газеттің редакторы немесе дәстүрлі БАҚ өкілдерімен бірдей болуы керек», - деді министр.

Егер танымал блогер ережені бұзса, оның жазбасы өшірілуі қажет. Оқырмандар саны белгілі бір деңгейге жеткен танымал адамдардың профильдерінің бірнеше администраторлары болуы тиіс.

Біздің каналымызға жазылыңыз:

Басты сөздер: Әлем,
Бөлісіңіз:

Автор:

-Ақбөпе Әбдрасул

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT