Дания коронавирусқа қарсы вакцина салдыруды тоқтатты
03:00, 04 Мамыр 2022
НҰР-СҰЛТАН. ҚазАқпарат - Дания үкіметі 15 мамырдан бастап коронавирусқа қарсы вакцинацияны тоқтату туралы шешім қабылдады.
Бұл туралы ҚазАқпарат COVID-19 таралуына жол бермеу жөніндегі ведомствоаралық комиссиясының Telegram каналына сілтеме жасап хабарлайды.
Мәлімдемеде басқа мәселелерді шешуге назар аудару керектігі және күзде иммундауды қалпына келтіру қажеттігі айтылған.
Инфекция жұқтыру және ауруханаға жатқызу фактілерінің саны азайып, ұжымдық иммунитеттің жоғары деңгейі туралы сенімді түрде айтуға болатындығы атап өтілді.
Дания вакцинациядан уақытша бас тартқан және шектеулер кешенін алып тастаған алғашқы ел. Тұрғындар саны 5,8 млн адам болса, тұрғындардың 82% екпе алды. Атап өтілгендей, вакциналау науқаны күзде қайта басталады.