Қолданушы баптаулары
Қолданушы баптаулары
+7 (701) 759 90 19 Лента
USD 382.38 EUR 428.30
RUB 5.97 CNY 55.39
Jańalyqtar

Дания Еспаева Қарағанды жұртшылығымен кездесті

2019 жылғы 21 мамыр 18:18 591
Бөлісіңіз:
Дания Еспаева Қарағанды жұртшылығымен кездесті

ҚАРАҒАНДЫ. ҚазАқпарат - «Ақ жол» демократиялық партиясы атынан президенттікке үміткер Дания Еспаева Қарағанды өңірінде кездесу өткізді, деп хабарлайды ҚазАқпарат партияның баспасөз қызметіне сілтеме жасап.

Ұқсас жаңалықтар
Президент сайлауы заңнама талаптарына сай өткізілді - Серік Ақылбай Бразилия сенаторлары Қазақстандағы президент сайлауына өз бағасын берді

Іс-шараға партия төрағасы Азат Перуашев, Мәжіліс депутаты Ерлан Барлыбаев, партия төрағасының орынбасары Дмитрий Васильев қатысты.

Кездесу барысында қарағандылық кәсіпкерлер Дания Еспаеваның сайлауалды бағдарламасымен танысып, өз ойларымен бөлісті. Жиында елдегі шағын және орта бизнесті дамыту, кәсіпкерлікті қолдау және салықты азайту секілді мәселелер қозғалды. Кәсіпкерлер аймақтағы жеке бизнестің ахуалын айтып түсіндірді. 

Осы күні «ақжолдықтар» президенттікке үміткер Дания Еспаеваның сайлауалды бағдарламасын Қарағанды турбомеханикалық зауытында да таныстырды. Кәсіпорын жылу электростанция құрылғыларын жөндеу, қосалқы жабдықтарын даярлау саласында 25 жылдан астам уақыт жұмыс істейді. Осы жылдар аралығында түрлі қуаттағы төрт жүздей турбина жөндеуден өтті.

Зауыт жұмысшыларымен кездесу барысында үміткер отандық бизнесті қолдау, ішкі нарықта қазақстандық кәсіпорындарға басымдық беру туралы өз ойларымен бөлісті. Сайлауалды штаб мүшелері көпшілікті мазалаған сұрақтарға жауап берді.

Айта кетейік, «Ақ жол» партиясынан президенттікке үміткер Дания Еспаеваның үгіт науқаны жалғасуда.

 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT