+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Даниал Ахметов Өскемендегі көпқабатты үйлердің құрылысын сынға алды

2020 жылғы 23 қазан 05:15
Бөлісіңіз:
Даниал Ахметов Өскемендегі көпқабатты үйлердің құрылысын сынға алды

ӨСКЕМЕН. ҚазАқпарат – Шығыс Қазақстан облысының әкімі Даниал Ахметов Өскемендегі жаңа шағынауданда салынып жатқан үйлердің құрылысын сынға алды, деп хабарлайды ҚазАқпарат тілшісі.

Ұқсас жаңалықтар
Жастарға жалға берілетін баспана  бойынша қандай жағдайларда шарттың күші жойылады Жастарға арналған жалға берілетін баспана бойынша шарт мерзімін ұзартуға бола ма Жұмысшы жастар пәтерді қандай шарттармен алады

Бұл жайлы аймақ басшысы Instagram парақшасында жазды.

«Кезекті рет 19 шағынаудандағы жаңа аллеяда атқарылған жұмыстардың барысымен таныстым. Жоба бойынша Қазыбек би даңғылы жағынан ұзындығы 80 метрді құрайтын саябақта ескерткіш пен әдемі субұрқақ орналасады», - деді Даниал Ахметов.

Оның айтуынша, қараша айында Самар-Алматы бағытындағы тасжолды реконструкциялау жұмысы аяқталады деп күтілуде. Аталған магистраль қаланың орталық бөлігіндегі көлік жүктемесін азайтып, Понтон көпірі арқылы Өскеменнің Үлбі бөлігі мен 19 шағынауданды байланыстырмақ.

Сонымен қатар келесі жылы Есенберлин даңғылы Жібек жолы мен Сәтпаев көшелерінің қиылысына дейін созылады. Осылайша, облыс орталығының негізгі көлік логистикасы 2021 жылы аяқталып, толық абаттандырылады.

«Нұрлы жол» жаңа шағын ауданындағы жаңа 16 және 12 қабатты тұрғын үйлердің құрылыс қарқынын тексердім. Өкінішке қарай, мердігер компания жоспарланған 70 мың шаршы метрді мерзімінде пайдалануға бермейді деп ойлаймын. Оны осы уақыт ішінде атқарылған жұмыстың көлемінен бағалап көруге болады. Қала басшысы Жақсылық Омарға тиісті шаралар қабылдау тапсырылды», - деді облыс әкімі.

Даниал Ахметов қала тұрғындары бұл үйлерді күтіп отырғанын, баспананың несиеге алынғанын жеткізді.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT