+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Данэлия Төлешованың ұстазынан дәріс алам деушілердің саны көбейді

2018 жылғы 13 қаңтар 19:32
Бөлісіңіз:
Данэлия Төлешованың ұстазынан дәріс алам деушілердің саны көбейді

АЛМАТЫ. ҚазАқпарат - Жезтаңдай әнші Данэлия Төлешованың ұстазы «Голос.Діти» шоуынан соң қалай танымал болғаны туралы ҚазАқпарат тілшісіне айтып берді

Дүбірлі додадан соң одан тәлім алсам деушілер көбейген.

«Студиямыздың ашылғанына 11 жыл болды. Осы уақыт аралығында балалардың арманын орындауға атсалысып келеміз. Қазақстанда бірнеше жоба бойынша бас жүлделерді қоржынымызға байлағанбыз. Бірақ өткен жылдағы жеңісіміз ерекше дер едім. Данэлияның жеңісінен соң келіп жатқан қоңырауларда есеп жоқ.

Қосымша екі вокал класын ашуға тура келді. Бұл жеңіс көп адамға шабыт бергені қуантады. Данэлияның өнерінен соң қиын әндерге қадам бассам деген оқушыларым көп», - деді Наталия Чуракова.

11 жастағы Данэлия Төлешова «Голос. Діти» шоуының жеңімпазы атанғалы бері орталықтың мақтанышына айналған.

«Данэлия Төлешова - ерекше дарын иесі. Айтқаныңды лезде қағып алады. Бұрынғы аудиоларды тыңдап отырып өзінің қандай дәрежеге көтерілгенін біліп отыр. Мен үшін балалардың кәсіби тұрғыдан өскені өте маңызды», - деді Наталия.

11 жылдан бері орталықтан жүздеген әнші шыққан.

Олардың ішінде танымалдары - Санда Садуақасова, жақында ғана Қазақстандық шоу «Голос. Дети Казахстана» жеңімпазы атанған 10 жастағы Даниил Юн, «Голос. Дети Казахстана» байқауының былтырғы жеңімпазы Рашида Узыханова, Ванесса Безродная, «Хочу к Меладзе» шоуының финалисті Фариз Мамедов.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT