+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Данэлия Төлешова Кремльде халықаралық жүлдемен марапатталды

2018 жылғы 11 наурыз 12:03
Бөлісіңіз:
Данэлия Төлешова Кремльде халықаралық жүлдемен марапатталды

АСТАНА. ҚазАқпарат - Қазақстандық жас әнші поп-музыка саласындағы бірінші халықаралық «BraVo» кәсіби музыка жүлдесінің «Болашаққа бағдар» номинациясында жеңіске жетті, деп хабарлады ҚазАқпарат агенттігіне әншінің баспасөз хатшысы Татьяна Синенко.

Марапаттау рәсімі Кремльде өтті. Гала-концертке әйгілі Род Стюарт (Rod Steward), «Грэмми» сыйлығының бірнеше дүркін иегері Сил (Seal), «Europe» тобы және француз әншісі Zaz қатысты.

«Болашаққа бағдар» номинациясындағы жүлдені Данэлияға Zaz табыстады. Франциялық әншімен Данэлия «Je veux» әнін шырқады.

Сондай-ақ, Данэлия заманауи әншілердің ең жас өкілі ретінде Юрий Антоновқа музыкалық мәдениетке қосқан үлесі үшін арнайы сыйлықты табыс етті. Концерттік кеш Данэлияның «Другие» әнімен және үлкен флеш-мобпен жабылды.

«Тағы бір жүлде алдым. Оны достарыма арнаймын. Осы күнге дейін маған қолдау білдіріп келген барша жанға алғыс айтқым келеді. Шығармашылықта шек жоқ екенін дәлелдей түсетін, қазақстандық оқушыға танымал француз әншісімен дуэт орындауға мүмкіндік беретін «BraVo» секілді шаралардың болғаны қандай жақсы. Мұндай сәттерде қайда жүрсең де, жаныңа жақын адамдар үшін ән салатыныңды түсінесің», - деп өз әсерімен бөлісті Данелия.

«BraVo» - Данэлияның екінші жүлдесі. 3 ақпан күні кішкентай жұлдыз Қазақстанда «Халықтың сүйіктісі» сыйлығымен марапатталған еді.

Автор: Назым Шаханова

Біздің каналымызға жазылыңыз:

Басты сөздер: Мәдениет, Өнер, КАЗМЕДИА,
Бөлісіңіз:

Аударма:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT