+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Данэлия Төлешова Қазақстанның туризм елшісі атанды

2019 жылғы 2 қараша 21:06
Бөлісіңіз:
Данэлия Төлешова Қазақстанның туризм елшісі атанды

НҰР-СҰЛТАН. ҚазАқпарат – Қазақстандық жас әнші Данэлия Төлешова Қазақстанның туризм елшісі атанды. Бұл туралы ҚазАқпарат «Kazakh Tourism» Ұлттық компаниясына сілтеме жасап хабарлайды.

Жас дарын енді ресми түрде туристерді елімізге тартуға үлес қосатын болады. Данэлияны Туризм елшісі ретінде сайлау рәсімі Жастар жылына орай елордада ұйымдастырылған «ZhasStar» фестивалі кезінде өтті.

«Kazakh Tourism» Ұлттық компаниясы басқарма төрағасының орынбасары Еркебұлан Хасенов небәрі 13 жастағы Данэлияның бүгінде Қазақстанды күллі әлемге танытып жүргенін атап өтті. «Өзіңе сен» әніне бейнебаян Шарын шатқалында түсірілуі еліміздегі туризмді ілгерлетуге жасалған бірден-бір қадам екенін айтты.

«Қазақстан Республикасының туризм елшілері» бағдарламасы арқылы әр саланың көшбасшыларын жұмылдырып, сіздер – жастар кең-байтақ және көз тоймас еліміздің сұлулығына зер салса екен дейміз. Сіздер Қазақстанды тереңірек танып, туған жерлеріңде саяхаттап, оны мақтан тұтқандарыңызды қалаймыз», - деп Е.Хасенов фестиваль қатысушыларына.

Өз кезегінде Данэлия Төлешова өзіне артылған зор сенім үшін алғыс білдірді. Қай жерде жүрсе де өзіне артылған міндетті абыроймен атқаруға яғни, туған елі – Қазақстан жайлы айтып жүруге тырысатынын жеткізді. «Шеттегі әр сапарымда Қазақстаннан келгенімді айтып жүремін және өзгелердің туған еліме деген қызығушылықтың арта түскенін көріп, қатты қуанамын. Ұйымдастырушыларға маған артылған сенім үшін шексіз алғысымды білдіргім келеді. Алдағы уақытта Қазақстанға туристер көптеп келіп, тамаша шаралар ұйымдастырылады деген сенімдемін!» - деді жас әнші.

Естеріңізге салсақ, «Kazakh Tourism» Ұлттық компаниясы туризм елшісі жобасын 2018 жылы іске қосты. Былтыр маусым айында тұңғыш елші болып Димаш Құдайберген сайланды. Кейін, оның қатарын ғарышкер, Халық қаһарманы Талғат Мұсабаев, ресейлік ғарышкерлер Анатолий Арцебарский, Юрий Маленченко мен Юрий Батуриндер ие болған еді. Кейін, бұл дәрежеге әйгілі қазақстандық боксшы Садриддин Ахмедов толықтырды. Ал ағымдағы жылдың қыркүйек айында IndyGuide ақпараттық саяхат порталының негізін қалаушы, Атахан Тосун қазақстандық туризмді дәріптейтін елші дәрежесін иеленді.

Бұған дейін Д.Төлешова Еуразиялық сыйлықтың лауреаты атанып, «Вокал» номинациясы бойынша марапатқа ие болғанын хабарладық. Сондай-ақ ол екі жаңа әніне бейнебаян түсірді. Оның бірі - қазақ тілінде.

Біздің каналымызға жазылыңыз:

Басты сөздер: Нұр-Сұлтан, Туризм, Қоғам,
Бөлісіңіз:

Автор:

Мира Төлендіқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT