13:10, 14 Қыркүйек 2021 | GMT +6
Дәнді және дәнді-бұршақты дақылдардың 81.3 % жиналды - ҚР АШМ
НҰР-СҰЛТАН. ҚазАқпарат - Елімізде дәнді және дәнді-бұршақты дақылдардың 81.3 пайызы жиналды, деп хабарлайды ҚазАқпарат ҚР Ауылшаруашылығы министрлігінің баспасөз қызметіне сілтеме жасап.
«14 қыркүйектегі жағдай бойынша республикамызда 12.9 млн га дәнді және дәнді-бұршақты дақыл жиналды. Бұл жалпы алқаптардағы 81.3 пайызы. Ағымдағы орташа өнімділік гектарына 9 центнерге жетті, жалпы 11,7 млн тонна астық бастырылды», делінген хабарламада.
Ведомствоның мәлімдеуінше, егін жинау науқаны штатты режімде өтіп жатыр. Сондай-ақ барлық қажетті жанар-жағармай мен ауыл шаруашылығы техникасы толық көлемде қамтамасыз етілген.