ДАИШ құрамында 860 қырғызстандық соғысып жүр

АСТАНА. ҚазАқпарат - ДАИШ қатарында Қырғызстанның 860 азаматы, соның ішінде 180 әйел соғысуда. Бұл туралы Қырғызстан Республикасының діни жағдайлары туралы дөңгелек үстелде халықаралық қатынастар сарапшысы Чынара Эсенгул мәлімдеді.

Оның айтуынша, қазіргі таңда Сириядағы экстремистік ұйымдар өз қатарларына қосылып, соғысуға басқа елдердің азаматтарын шақырмайды.

«Олар Сириядан еш үмітқалмағанын айтып, террористік іс-әрекеттерді өз елдерінде жасауды ұсынуда», - деді сарапшы.

 Чынара Эсенгул атап өткендей, Еуропа елдері мен Түркиядағы теракттар осының айқын дәлелі және олардың саны артуы мүмкін.