Covid-19 пен пневмония біріктірілді, енді мазмұнды жұмыс болады - Ерболат Дәленов

None
None
НҰР-СҰЛТАН. ҚазАқпарат - Қазақстанда коронавирус пен пневмония статистикасы біріктірілетін болды. Осыған қатысты «Астана» медициналық университетінің профилактикалық медицина және тамақтану кафедрасының меңгерушісі Ерболат Дәленов пікір білдірді, деп хабарлайды ҚазАқпарат тілшісі.

«Денсаулық сақтау министрінің осындай шешім шығарғаны дұрыс болды. Дүниежүзілік денсаулық сақтау ұйымы да жазды күні болатын пневмонияның 80-90%-ы коронавирус екенін айтқан болатын. Соvid-19 пен пневмония бір ауру болғандықтан емдеу жолы да бірдей болуы керек. Емдеу жолы бірдей болғанда ғана дертті жеңе аламыз», - дейді Ерболат Дәленов.

Оның айтуынша, бұдан кейін мазмұнды әрі дұрыс жұмыс болады.

«Бұл пневмонияның қарапайым пневмониядан айырмашылығы - дене қызуы болмайтындықтан өкпе қабынып, қызметін тоқтатқанын адам сезбей қалады. Дене қызуы 38-39 болған кезде пирогенді заттар бөлінеді. Ол жақсы бөлінсе адамды табиғи жолмен аман алып қалады. Иммунитеті әлсіз адамда пирогенді заттар аз бөлініп, пневмонияға айналып кетеді», - дейді ол.

Еске сала кетейік, кеше ҚР Президенті Қасым-Жомарт Тоқаев Үкіметке пандемияның статистикасын біріздендіруді міндеттеген болатын. Бүгін Қазақстанда коронавирус пен пневмония статистикасы біріктірілетіні хабарланды.



Соңғы жаңалықтар