Covid-19: Қажет болса науқастар компьютерлік томографиядан өтеді

АЛМАТЫ. ҚазАқпарат - Алматыда коронавирус инфекциясы расталған науқастарға қажет болған жағдайда компьютерлік томография жасалады. Бұл туралы қалалық Қоғамдық денсаулық сақтау басқармасының басшысы Тілеухан Әбілдаев айтты, деп хабарлайды ҚазАқпарат тілшісі.

Оның сөзіне қарағанда, қалалық медициналық ұйымдарда 33 компьютерлік томография қондырғысы бар, оның 14-і мемлекеттік медициналық мекемелерде.

«Бізде компьютерлік томография бөлімі бар. Covid-19 жұқтырған науқастарға қажет болған жағдайда компьютерлік томографияны қолданамыз», - деді ол.

Сонымен қатар, Тілеухан Әбілдаев бір адамның өкпенің жасанды желдету аппаратына қосылғанын айтты.