ФУТБОЛДАН ӘЛЕМ ЧЕМПИОНАТЫ-2022

COVID-19-дан Қазақстанда бір бала қайтыс болды

2021 жылғы 10 ақпан, 20:15
COVID-19-дан Қазақстанда бір бала қайтыс болды

НҰР-СҰЛТАН. ҚазАқпарат – Қазақстанда былтыр жазда коронавирустан бір бала қайтыс болды. Бұл туралы ҚР Денсаулық сақтау вице-министрі Ажар Ғиният мәлім етті, деп хабарлайды ҚазАқпарат тілшісі.

«Қазіргі кезде жылдық есеп беру жүріп жатыр. Жылдық есепте бір жағдай анықталды, яғни 16 жастағы қыз бала көз жұмған. Бұл жағдай жаз кезінде Ақмола облысында тіркелген», - деді А. Ғиният.

Сонымен қатар ол жыл басынан елімізде коронавирустың нақтыланған диагнозымен 4 285 бала тіркелгенін айтты. Оның ішінде 10-ы жаңа туған нәресте екені анықталды.

Балалардың 65 пайызы сауығып шықты. Қазіргі кезде стационарлық емдеумен 144 бала қамтылған.

Бұдан бұрын хабарланғандай, ҚР ДСМ санитарлық-эпидемиологиялық бақылау комитетінің төрағасы Айжан Есмағамбетова мектеп оқушылары арасындағы коронавирус жұқтыру статистикасын жариялады.

Оқу жылы басталған сәттен бері 7 571 оқушы коронавируспен ауырды.


Ұқсас жаңалықтар
Серіктестер жаңалықтары

Jańalyqtar