+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Чемпиондар лигасы: Украиналық клуб атақты «Реалды» жеңді

2020 жылғы 22 қазан 00:56
Бөлісіңіз:
Чемпиондар лигасы: Украиналық клуб атақты «Реалды» жеңді

НҰР-СҰЛТАН. ҚазАқпарат - UEFA Чемпиондар лигасы топтық кезеңіндегі кезекті ойындар аяқталды, деп хабарлайды ҚазАқпарат тілшісі.

«В» тобындағы «Реал Мадрид» – «Шахтер» арасындағы ойында күтпеген есеп тіркелді. Кездесудің 29-минутында украиналық команданың футболшысы Тете есеп ашты.

Мұнан соң «Шахтер» есепті еселеді. «Реал» қорғаушысы Рафаэль Варан өз қақпасына гол кіргізіп алды. Украина командасының шабуылы мұнымен тоқтаған жоқ.

Бірінші таймның соңына таман шабуылшы Манор Соломон «Шахтердің» үшінші голын соқты.

«Реал» екінші таймда тың өзгерістер енгізді. Шабуыл шебіне француз Кәрім Бензема қосылды. Модрич пен Жуниор корольдік клубтың сапында көзге түсті. Қорытынды есеп – 2:3. Осылайша, «Шахтер» атақты «Реалды» жеңіп, топтық кезеңнің сенсациясын тіркеді.

«А» тобында Германияның «Зальцбург» командасы мен Ресейдің «Локомотиві» сынға түсті. Ойын жылдам шабуылдармен басталып, ресейліктер үшін жемісті болды. 19-минутта шабуылшы Эдер қарсыластар қақпасынан саңылау тапты.

Немістердің жауабы көп күттірген жоқ. Ойынның бірінші бөлігіне жақын тұста Доменек Собослай таразы басын теңестірді.

Қарсыластар екінші таймда бір-бір голдан соғып, тең тарқасты. Гол авторлары: Лисакович пен Юнузович.

Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT