Чемпиондар лигасы: «Манчестер Сити» ширек финалға шыға ала ма
Екі ойынның бірінде Португалияның «Порту» командасы өз алаңында Италияның «Интерін» қабылдайды.
Кездесу елорда уақытымен 1.50-де басталып, «Qazaqstan» телеарнасынан тікелей эфирде көрсетіледі.
Екі команда бұған дейін бес мәрте кездесті. Оның біреуінде «Порту», үшеуінде «Интер» жеңсе, бір кездесуде тең тарқасты.
1/8 финалдағы алғашқы ойында италиялық клуб 1:0 есебімен басым түсті.
Екінші кездесуде Англияның «Манчестер Сити» және Германияның «РБ Лейпциг» командалары шеберлік байқасады.
Кездесу елорда уақытымен 1.50-де басталып, «Qazsport» телеарнасынан тікелей эфирде көрсетіледі.
Екі команда бұған дейін үш мәрте кездесті. Оның екеуінде командалар бір-бірден жеңіске жетсе, бір кездесу тең нәтижемен аяқталды.
Ал 1/8 финалдағы алғашқы ойында 1:1 есебі тіркелді.
Еске салсақ, бұдан бұрын «Бавария» (Германия), «Милан» (Италия), «Бенфика» (Португалия) мен «Челси» (Англия) командалары ширек финалға жолдама алды.