+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Чемпиондар Лигасы: «Барселона» мен «Бавария» жарысты жалғастырады

2020 жылғы 9 тамыз 03:14
Бөлісіңіз:
Чемпиондар Лигасы: «Барселона» мен «Бавария» жарысты жалғастырады

НҰР-СҰЛТАН. ҚазАқпарат - Бүгін UEFA Чемпиондар лигасында ширек финалға жолдама алған барлық командалар анықталды, деп хабарлайды ҚазАқпарат тілшісі.

Ұқсас жаңалықтар
Теннис: Денис Евсеев Түркиядағы турнирдің финалына шықты Қазақстандық тағы үш боксшы Сербиядағы турнирде финалға шықты Хоккей: «Барыс» «Салават Юлаевқа» есе жіберді

Бүгін Испанияда «Барселона» өз алаңында Италияның «Наполи» командасын қабылдады. Олар алғашқы кездесуде 1:1 есебімен тең тарқасқан болатын. Сондықтан бүгін «Барселона» барын салды. Бірінші кезеңнің өзінде қарсыластар қақпасына үш гол соқты. Оны Клеман Лангле 10, Лионель Месси 23, Луис Суарес (пенальтиден) 46-минутта өзінің еншісіне жазды. Оған бірінші кезең бітер сәтте «Наполи» ойыншысы Лоренцо Инсинье пенальтиден жауап қайырды. Ойында «Барселона» 3:1 есебімен жеңіске жетті.

Тағы бір кездесу Германияда «Бавария» (Мюнхен) мен Англияның «Челси» (Лондон) командалары арасында өтті. Айта кетерлігі, неміс футболшылары Лондонда өткізілген ойында алаң иелері қақпасына жауапсыз үш гол соққан еді. Сол себепті жанкүйерлер жарысты қай команданың жалғастыратынын алдын-ала шешіп қойды. Қарымта кездесуде де «Челси» лайықты қарсылық көрсете алған жоқ. Ойынның 10-минутында «Бавария» шабуылшысы Роберт Левандовски пенальтиден есеп ашса, оның командаласы Иван Перишич 24-минутта есепті үстемелей түсті. «Челси» ойыншысы Тэмми Абрахам 44-минутта бір гол соғып есеп айырмасын қысқарта түсті. Ойынның екінші кезеңінде «Бавария» сапынан Корентин Толиссо 76, Роберт Левандовски 83-минутта қос гол соқты. Есеп 4:1. «Бавария» ширек финалға жолдама алды.

Естеріңізге сала кетелік, доп додасы 11 наурыздан кейін коронавирус індетіне байланысты кейінге шегерілді. Турнирдің 1/8 финалындағы төрт ойын болып, қалған төртеуі өткізілмей қалған еді. Ширек финалға наурыз айында «Лейпциг» (Германия), «Атлетико Мадрид» (Испания), «Аталанта» (Италия) және «Пари Сен-Жермен» (Франция) командалары жолдама алған болатын. Кеше олардың қатарына «Манчестер Сити» (Англия) және «Лион» (Франция) командалары қосылды.

Ширек финалда «Лейпциг» (Германия) пен «Атлетико Мадрид» (Испания), «Аталанта» (Италия) және «Пари Сен-Жермен» (Франция), «Манчестер Сити» мен «Лион», «Барселона» мен «Бавария» командалары кездеседі. Ойындар 12-15 тамыз аралығында өткізіледі.


Біздің каналымызға жазылыңыз:

Бөлісіңіз:

Автор:

Әділжан Үмбет

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT