Қолданушы баптаулары
Қолданушы баптаулары
+7 (701) 759 90 19 Лента
USD 384.52 EUR 431.32
RUB 6.10 CNY 55.89
Jańalyqtar

Чек талап ет - жүлде ұтып ал: Қазақстандықтар 500 мыңға жуық түбіртек жіберді

2019 жылғы 11 шілде 20:51 1086
Бөлісіңіз:
Чек талап ет - жүлде ұтып ал: Қазақстандықтар 500 мыңға жуық түбіртек жіберді

НҰР-СҰЛТАН. ҚазАқпарат - «Чек талап ет - жүлде ұтып ал!» акциясына қазақстандықтар белсенді түрде қатысуда. Бүгінгі күні науқанның 37 099 қатысушысынан 490 904 чек тіркелген, деп хабарлайды ҚазАқпарат ҚР Қаржы министрлігі Мемлекеттік кірістер комитетіне сілтеме жасап.

«Қарағанды облысының тұрғындары 57 215 чек жіберген ең белсенділер болып шықты. Екінші орында Ақмола облысының қатысушылары - 46 924 чек. Үштікті Алматы облысының тұрғындары аяқтауда - 46 307 чек. Атырау (7 525 чек), Маңғыстау (6 558 чек) және Ақтөбе (6 095 чек) облыстарының тұрғындары ең төменгі белсенділік танытуда», - делінген комитет ақпаратында. Сондай-ақ, қазіргі таңда ең белсенді қатысушылар үштігі анықталған. Павлодар тұрғыны акцияға қатысуға 3 655 чек жіберген. Қарағандылық қатысушы 2 665 чек тіркеп үлгерсе, Екібастұз тұрғыны жіберген чек саны - 2 571.

Естеріңізге сала кетейік, 2019 жылғы 1 мамыр мен 8 тамыз аралығында Қазақстан Республикасының азаматтары «Чек талап ет - жүлде ұтып ал!» акциясына қатысуда. Акцияны Қазақстан Республикасы Қаржы Министрлігінің Мемлекеттік кірістер комитеті фискалдық деректер операторымен бірлесіп өткізуде. Акцияның мақсаты азаматтық белсенділікті арттыру, тауарлардың, жұмыстардың және қызметтердің тұтынушылары ретінде өз мүдделерін қорғау мәселелерінде азаматтардың құқықтық мәдениетін тәрбиелеу.

Акцияны өткізу кезінде еліміздің әрбір тұрғыны кез келген сатып алу немесе ақылы қызмет көрсету арқылы смартфонның иесі болу мүмкіндігіне ие. Тауарларды, жұмыстарды және қызметтерді төлеген чектерді "Таңдау" мобильдік қосымшасында тіркеу қажет. Акцияға деректерді тіркеу және (немесе) беру функциясы бар бақылау-касса машиналарының чектері (онлайн БКМ) қатысады. Бір қатысушы тіркейтін чектер саны шектелмейді. Алайда, бір қатысушы тәулігіне бір БКМ-нен 10 чектен артық жібере алмайды.

«Чек талап ет - жүлде ұтып ал» республикалық акциясына кез келген тауарларды, жұмыстарды және қызметтерді сатып алу кезінде БКМ чектерін алған Қазақстанның барлық азаматтары қатыса алады. "Таңдау" тегін мобильді қосымшасы (онда қатысушы мәліметтерін және алынған чекті тіркеу қажет) Google Play market және App Store-да жүктеу үшін қолжетімді.

Акцияның толық шарттары мен қосымшасымен жұмыс істеу нұсқаулығын www.trebui.kz науқан сайтынан көруге болады. Бүгінгі таңда 70 смартфон ойнатылды. Акция барысында барлығы 100 смартфон ойнатылады.

 

 

Біздің каналымызға жазылыңыз:

Басты сөздер: Қаржы, Қоғам,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT