+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

БЖЗҚ қаржысы салынған Әзербайжан банкі қарызын 15 жыл ішінде төлейді

2018 жылғы 17 қаңтар 12:02
Бөлісіңіз:
БЖЗҚ қаржысы салынған Әзербайжан банкі қарызын 15 жыл ішінде төлейді

АСТАНА. ҚазАқпарат - Әзербайжан банкі Қазақстанға қарызын 15 жыл мерзім ішінде төлейтін болды, деп хабарлайды «ҚазАқпарат» ХАА тілшісі.

«Жалпы айтқанда біз бұл ақшаны жоғалтқан жоқпыз. Егер банк, шынында да, банкротқа ұшыраса немесе қарыздың қайта өзгеріспен төленуін несие берушілердің басым көпшілігі қолдамағанда ақшаны жоғалту қаупі туындайтын еді. Бүгінгі таңда банктің бұл облигациялары Әзербайжанның дербес облигацияларына ауыстырылған. Қорытындысында 3,5 пайыздық мөлшеремемен 250 млн АҚШ доллар ақшаның қайтарымы 15 жылға ұзартылды. Бұл қағаздар өтімді болып табылады», - дейді ҚР Қаржы министрі Бақыт Сұлтанов Парламент Мәжілісінің отырысында.

Оның айтуына қарағанда, қазақстандықтар үшін жоғарыда айтылған қаражат жоғалды деу артық әңгіме.

«Біз қаржыны жоғалттық деп айтуға болмайды. Иә, айырмашылық бар. Бірақ негізгі соманы біз жоғалтқан жоқпыз», - дейді ол.

Еске сала кетейік, Қазақстанның бірыңғай жинақтаушы зейнетақы қоры 71,3 млрд теңге инвестиция салған Әзербайжанның халықаралық банкі банкротқа ұшырау туралы сотқа өтініш берген еді. Қазіргі кезде аталған қаржы мекемесі сыртқы қарыз бойынша төлем жүргізуді тоқтатып, несие берушілермен банктің құрылымын қайта өзгерту бойынша келіссөз жүргізіп жатыр. Қаржылық проблема Әзербайжанның ұлттық валютасының девальвациясы мен мұнай бағасының құлдырауы салдарынан туындаған еді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанат Қапалбаева
Жанат Қапалбаева
954-059

MURAǴAT