USD 436.29 EUR 492.83
RUB 5.92 CNY 68.48
Jańalyqtar

«Бюджетке қатысу» жобасына 800 млн теңге бөлінеді - Алматы

2021 жылғы 14 қыркүйек 19:07
Бөлісіңіз:
«Бюджетке қатысу» жобасына 800 млн теңге бөлінеді - Алматы

АЛМАТЫ. ҚазАқпарат - Алматыда 2022 жылға арналған «Бюджетке қатысу» жобасына өтініш қабылданып жатыр. Бұл туралы қалалық Стратегия және бюджет басқармасының басшысы Алмас Батанов онлайн брифингте айтты, деп хабарлайды ҚазАқпарат тілшісі.

Ұқсас жаңалықтар
Алматы тұрғындары ыстық су мен жылусыз қалды Алматыда 19 мыңға жуық адам Pfizer вакцинасын алды Алматыда 150 мыңнан астам адам әлеуметтік жеңілдік пен жәрдемақы алады

Спикердің сөзінше, қазір 2022 жылға арналған халық қатысатын бюджетті іске асыруға дайындық жүріп жатыр және 23 тамыздан бастап жобалық ұсыныстарды қабылдау басталған.

«Алматылықтар 1 қазанға дейін budget.open-almaty.kz. порталы арқылы ұсыныс жібере алады. Ол үшін өтінімді толтыру қажет. Яғни жобалық ұсыныстың атауын, оның сипаттамасын, нысанның мекен-жайын көрсету және міндетті түрде жобалық ұсыныстың эскизі мен сметасын тіркеу қажет. Сондай-ақ қалауыңыз бойынша ағымдағы жағдайының суреті мен презентациясын қоса беруге болады. Бір жобаның максималды құны 58,3 миллион теңгеден аспауы тиіс», - дейді ол.

Жоба аясында Алматының 8 ауданына қала бюджетінен 800 миллион теңгеден бөлінеді. Оның жалпы сомасы 6,4 миллиард теңге.

«Бірінші кезең бойынша келесі жылға арналған өтінімдерді қабылдау басталды, бүгінге дейін 97 өтінім түсті. Қабылдау осы жылдың 1 қазанына дейін жалғасады. Екінші кезеңде жобаларды бағалау іске асырылады. Сараптамалық кеңес ұсыныстарды қабылдау мерзімі аяқталғаннан кейін 10 күннің ішінде әкімдіктің құзыретіне жататынына және жобалардың критерийлерге сәйкес келуіне қатысты келіп түскен жобалық ұсыныстарды талдайды. Үшінші кезең – қол жеткізу кезеңі. Сараптамалық кеңестің жүргізген бағалау нәтижелері бойынша алдын ала рұқсат беру хаттамасы дайындалады және оны ресми интернет-ресурста жариялайды, сонымен қатар жобаларды пысықтау бойынша ұсыныстар жасалады», - дейді басқарма басшысы.

Сонымен қатар, ол әр жоба дауыс беру арқылы таңдалатынын жеткізді. Яғни сайтта авторизациядан өткен тұрғындар жобалық ұсыныстар орналастырылған сәттен бастап 9 қарашаға дейін дауыс беруді жүзеге асырады. Дауыс беру нәтижелері бойынша Сараптамалық кеңес қорытынды жасайды және тиісті шешім шығарады.

«10-нан төмен дауыс жинаған жобалық ұсыныстар іске асыруға жіберілмейді. Дауыс беру нәтижелері мен Сараптамалық кеңестің шешімі сайтта және бұқаралық ақпарат құралдарында жарияланады. Әрі қарай аудандық әкімдіктер мен басқармалар бюджеттік өтінімдерді қалыптастырады және жобалар бюджеттік заңнамаға сәйкес қаржыландырылатын болады», - дейді Алмас Батанов.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT