Қолданушы баптаулары
Қолданушы баптаулары
+7 (701) 759 90 19 Лента
USD 386.05 EUR 428.25
RUB 5.84 CNY 54.65
Jańalyqtar

Бюджет қаржысын жымқырған Қарағанды облысы әкімінің бұрынғы орынбасары өз кінәсін мойындады

2019 жылғы 8 тамыз 17:08 135
Бөлісіңіз:
Бюджет қаржысын жымқырған Қарағанды облысы әкімінің бұрынғы орынбасары өз кінәсін мойындады

ҚАРАҒАНДЫ. ҚазАқпарат – Қарағанды облысы әкімінің бұрынғы орынбасары Жандос Әбішев және оның ағасы Елдар Әбішевке қатысты қозғалған қылмыстық істің алдын ала тыңдауы 9 тамызға тағайындалды, деп хабарлайды ҚазАқпарат тілшісі.

Қарағанды қаласының Қазыбек би аудандық сотының өндірісіне облыс әкімінің бұрынғы орынбасары Жандос Әбішев пен оның ағасына қатысты қылмыстық іс келіп түсті. Айыпталушылар кінәсін мойындау туралы іс жүргізу келісімін жасаған.

Сот материалдарына сәйкес, Қарағанды облысы әкімінің әлеуметтік мәселелер жөніндегі бұрынғы орынбасары Жандос Әбішевке ҚР ҚК-нің 364-бабының 3-бөлігі бойынша «Жауапты мемлекеттік лауазымды атқаратын тұлғаның кәсіпкерлік қызметке заңсыз қатысуы» деген айып тағылды. Бұрынғы шенеунік қазіргі таңда қамауда.

«Процессуалдық келісіммен кінәні мойындау туралы мәміле түрінде келіп түскен қылмыстық іс өндіріске қабылданды. Алдын ала тыңдау 9 тамызға белгіленді», - деп хабарлады Қазыбек би аудандық сотында.

Еске сала кетейік, биыл ақпан айында Сыбайлас жемқорлыққа қарсы іс-қимыл жөніндегі ұлттық бюро Қарағанды облысы әкімінің бұрынғы орынбасарына қатысты сотқа дейінгі тергеуді бастады.

«Сыбайлас жемқорлыққа қарсы күрес Ұлттық бюросы Қарағанды облысы әкімінің бұрынғы орынбасарына қатысты сотқа дейінгі тергеу амалдарын жүргізуде. Ол облыстың жұмыспен қамту және әлеуметтік бағдарламаларды үйлестіру басқармасының лауазымды тұлғаларымен алдын ала сөз байласу арқылы адамдар тобында облыстың мүмкіндігі шектеулі адамдарын арнайы қатынас көліктерімен қамтамасыз етуге бөлінген 36 млн теңгеден астам сомадағы бюджет қаражатын жымқырды деген күдікке ілініп отыр», - деді агенттікте өткен баспасөз мәслихатында Арман Бердалин.

Оның айтуынша, атап айтқанда, техникалық сипаттамаға сәйкес келмейтін және көтеріңкі бағада мүмкіндігі шектеулі адамдарға арналған кресло-арбаларын жеткізу бойынша қылмыстық іс қозғалған.


Еске сала кетсек, Жандос Әбішев 2014 жылдың қыркүйегінен 2019 жылдың 16 қаңтарына дейін Қарағанды облысы әкімінің орынбасары қызметін атқарды. Ол өңірдің әлеуметтік саласы мәселелеріне жетекшілік етті.

Біздің каналымызға жазылыңыз:

Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT