Былтыр Қазақстанда 68 елді мекеннің атауы өзгерген
Мәдениет және спорт министрлігі мәдениет комитетінің ақпараты бойынша өткен жылы республикалық ономастика комиссиясы 606 ұсынысты қараған.
«Бұдан бөлек, былтыр Мемлекет басшысының Жолдауында көтерілген еліміздің әкімшілік-аумақтық құрылымын жетілдіру бойынша берілген тапсырмасын орындау мақсатында жаңадан құрылған 3 облысқа Абай, Жетісу, Ұлытау атаулары берілді. Ал Қапшағай қаласы – Қонаев қаласы болып өзгерді. Айта кету керек, облыс атаулары тек мемлекеттік тілде бекітілді. Мысалы, Абай облысы - область Абай, Ұлытау облысы - область Ұлытау, Жетісу облысы - область Жетісу. Сондай-ақ Ахмет Байтұрсынұлының 150 жылдық мерейтойына орай Қостанай халықаралық әуежайына ұлт ұстазының есімі берілді»,-дейді Мәдениет және спорт министрлігі ономастика басқармасының басшысы Елерке Төрехан.