Былтыр аналардың 50 пайызының өмірін арашалап қалуға болар еді – министрлік
«2019 жылы республикада ана өлімінің 54 оқиғасы тіркелді. Тексеру нәтижесінде 27 жағдайда немесе 50 пайызында ана өліміне жол бермеуге болатын еді деп танылды», - деді ол.
Сондай-ақ ол өткен жылы сәби өлім-жітімі 5,9 пайызға ұлғайғанын, дүниеге келген 1 мың сәбидің 8,4-і шетінеп кеткендігін айтты.
«Ең жоғары көрсеткіш 7 өңірде тіркеліп отыр. 2019 жылы комитет Атырау, Алматы және Ақмола өңірлеріне барып, сәби өлім-жітіміне сараптама жүргізген болатын. Сол сараптама бірқатар жүйелі проблеманы анықтап берді. Бұл медицина ұйымдары қызметінің әлсіз үйлестірілгенін, медицина қызметкерлері біліктілігінің жеткіліксіздігін дәлелдейді», - деді Лаура Ахметниязова.
Айта кетейік, алқа отырысына қатысқан Үкімет басшысының орынбасары Ералы Тоғжанов ана өліміне назар аударып, Денсаулық сақтау министрлігіне екі аптада ана өлімінің алдын алу шараларын әзірлеуді тапсырған болатын.