Былтыр адам саудасына қатысы бар 14 кісі сотталған
«Ішкі істер министрлігінің дерегі бойынша, Қазақстанда жыл сайын «адам саудасы» санатымен сотқа дейінгі 100 тергеу тіркеліп отыр. 2019-2022 жылдары 131 адам жыныстық құлдық құрбанына айналған. Бірақ, соның ішінде сотқа дейін жететін істер санаулы. Қазақстандағы адам саудасының ресми статистика мен халықаралық есептердің мәліметтерінде айырмашылық бар», - деп жазады аналитикалық портал.
Жаһандық ауқымда алсақ, әрбір 10 мың адамның ішінде 54-і адам саудасының құрбанына айналады.
«Өңірлерге бөлсек, құлдық ең көп таралған аймақ – Африка болып тұр. 10 мың адамға 76 құрбаннан келеді. Одан кейінгі орында – Азия-Тынық мұхит елдері, 10 мың адамға 61 құрбан. Еуропа мен Орталық Азияда бұл көрсеткіш – 10 мың адамға 39 құрбан. Оның ішінде Қазақстанда 10 мың адамға 42 құрбаннан келеді», - деп жазады Finprom.kz.