Бұзылған бөгет 20 адамды ағызып әкетті

АСТАНА. ҚазАқпарат - Кенияда «Патель» (Patel Dam) бөгетінің бұзылуы салдарынан кем дегенде 20 адам қаза тапты.

Бұл туралы бейсенбі күні Daily Nation газеті хабарлады.

Басылымның дерегі бойынша, оқиға сәрсенбіден бейсенбіге қараған түні Накуру округінде болған. Төтенше жағдай салдарынан 300-ден астам отбасы үйлерінен айырылды.
 

Жергілікті билік залал деңгейін әлі анықтамаған.

«Біз барлық жергілікті тұрғындарды толассыз жауған жаңбыр салдарынан болған су тасқынына байланысты абай болуға шақырамыз», - деген Накуру губернаторының сөзін келтіреді Daily Nation.
 

Кения Қызыл Кресті хабарлағандай, 39 адам ауруханаға жеткізілген.