+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

БҰҰ: Пандемия кезінде әйелдер зорлық-зомбылыққа жиі ұшыраған

2021 жылғы 25 қараша 09:12
Бөлісіңіз:
БҰҰ: Пандемия кезінде әйелдер зорлық-зомбылыққа жиі ұшыраған

НҰР-СҰЛТАН. ҚазАқпарат – COVID-19 пандемиясы әйелдерге қатысты тұрмыстық зорлық-зомбылық жағдайларының артуына әкелді. Жүргізілген сауалнама кезінде әрбір екінші әйел өзі немесе танысының отбасы мүшесі тарапынан қатыгездікке ұшырағанын айтты. Бұл туралы БҰҰ-ның Әйелдерге қарсы зорлық-зомбылықты жою бойынша күрес күні қарсаңында ұсынған жаңа баяндамасында жазылған, деп хабарлайды ҚазАқпарат БҰҰ-ның Жаңалықтар сайтына сілтеме жасап.

Баяндаманы «БҰҰ-әйелдер» құрылымы дайындаған. Ол 13 елде өткізілген сауалнамаға негізделген.

Сауалнама карантин кезінде үйде қамалған әйелдердің тағы бір пандемияның – зорлық-зомбылық індетінің құрбандары болғанын көрсетіп отыр.
«Осы қалыптасқан кері жағдайды жою үшін бірігіп күш жұмылдыруымыз керек», - деді «БҰҰ-әйелдер» құрылымының атқарушы директоры Сима Бахус.
Сонымен қатар зорлық-зомбылық құрбандары психикалық және эмоционалды күйзелістен 1,3 есе жиі зардап шеккені белгілі болды.
Әрбір төртінші әйел пандемия кезінде өзін өзін қорғансыз сезінген. Оның басты себебі – отбасы мүшелері немесе серіктерінің тарапынан көрсетілген жыныстық және физикалық зорлық-зомбылық.
Сауалнамаға жауап берген әйелдердің 40%-ы пандемия басталғаннан бастап жалғыз қыдыруға қорқатынын мәлімдеген. Бес әйелдің үшеуі қоғамдық жерлерде жыныстық қысым көрсету жағдайларының жиілегенін айтты.
БҰҰ-ның Бас хатшысы әйелдерге қатысты зорлық-зомбылықты төмендету бағытында тиісті шаралар жасау қажеттігін айтты.


Біздің каналымызға жазылыңыз:

#БҰҰ   #Әлем  
Бөлісіңіз:

Автор:

Бибіхан Серікова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT