+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

БҰҰ ҚК солтүстіккорейлік баллистикалық зымыранның сынақтан өткізілуін сынға алды

2017 жылғы 14 ақпан 07:43
Бөлісіңіз:
БҰҰ ҚК солтүстіккорейлік баллистикалық зымыранның сынақтан өткізілуін сынға алды

АСТАНА. ҚазАқпарат - БҰҰ Қауіпсіздік Кеңесі (ҚК) КХДР-дың алты қарарды бұза отырып, баллистикалық зымыранды сынақтан өткізуін сынға алды, деп хабарлайды ҚазАқпарат «РИА Новости» агенттігіне сілтеме жасап.

«Бұл ұшырылымдар КХДР-дың Қауіпсіздік Кеңесінің 1718, 1874, 2087, 2094, 2270, 2321 қарарлары бойынша халықаралық міндеттемелерді қатаң бұзуы болып табылады», - делінген ҚК мақұлданған мәлімдемеде.

Онымен қоса, ҚК мүшелері ахуалды бақылауды жалғастыруға және «Кеңестің бұған дейін мәлімдеген ниеттеріне сәйкес, одан арғы ықпалды шараларды» қабылдауға уағдаласты, деп жазады Lenta.ru.

«ҚК мүшелері КХДР халқы үлкен мұқтаждықта болып отырған қазіргі жағдайда ел билігі ресурстарды баллистикалық зымырандарға жұмсап отырғанына өкініш білдірді», - делінген құжатта.

Айта кетейік, 12 ақпан күні КХДР әрекет ету радиусы орташа "Пуккыксон-2" ("Темірқазық-2") баллистикалық ракетасын сынады. Рёнхап агенттігінің хабарлауынша, «жер-жер» санатындағы аталмыш стратегиялық зымыран сынақтан сәтті өтті.

Бұдан кейін АҚШ, Жапония және Оңтүстік Корея КХДР-дың ракета ұшыруына байланысты БҰҰ Қауіпсіздік Кеңесінің шұғыл отырысын шақыруды талап етті.

Сәл кейінірек БҰҰ Қауіпсіздік Кеңесі бұл мәселені 13 ақпанда жабық есік жағдайында талқылайтынын мәлім етті.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059

MURAǴAT