+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

БҰҰ Бас Ассамблеясы: Теңізге шығар жолы жоқ дамушы елдердің министрлері кездесті

2020 жылғы 24 қыркүйек 14:47
Бөлісіңіз:
БҰҰ Бас Ассамблеясы: Теңізге шығар жолы жоқ дамушы елдердің министрлері кездесті

НҰР-СҰЛТАН. ҚазАқпарат - 23 қыркүйекте Қазақстанның Сыртқы істер министрі Мұхтар Тілеубердінің төрағалығымен онлайн режимінде Теңізге шығар жолы жоқ дамушы елдер тобының (ТШЖДЕ) жыл сайынғы министрлік отырысы өтті, деп хабарлайды ҚазАқпарат ҚР СІМ баспасөз қызметіне сілтеме жасап.

Басқосуда БҰҰ Бас хатшысы Антониу Гутерриш, БҰҰ Бас Ассамблеясының 75-ші сессиясының Төрағасы Волкан Бозкир, БҰҰ-ның Ең осал дамушы елдер үшін Жоғары өкілі Фекитамоелоа Утоикаману сөз сөйледі.

Отырысты ашқан Министр пандемиядан неғұрлым зардап шеккен осал елдердің осы тобы халықаралық әріптестер мен донорлар тарапынан барабар қолдауды талап ететінін атап өтті. Қазақстан 2020-2021 жылдарға арналған ТШЖДЕ тобының жаһандық төрағасы бола отырып, топ елдерінің мүдделерін барлық тиісті алаңдарда қорғауды және ілгерілетуді жалғастырады.

Кездесу қорытындысы бойынша топ елдерінің проблемаларын, оның ішінде әлемдік нарықтардан алыстығымен және транзиттік елдерге тәуелділігімен байланысты проблемаларды шешудегі прогресті жеделдету жөніндегі Жол картасы қабылданды. Қазақстан төрағалығының бастамасымен жасалған құжат 2024 жылға дейінгі кезеңде осы міндеттерді жедел іске асыру үшін барлық мүдделі тараптардың күш-жігерін біріктіруге ықпал ететін болады.

Іс-шараға 200-ден астам делегат, оның ішінде ТШЖДЕ қатарына кіретін 32 елдің және серіктес елдердің сыртқы саяси ведомстволарының басшылары, халықаралық ұйымдар мен БҰҰ агенттіктерінің басшылары, соның ішінде ЭСКАТО, ЕЭК, БҰҰ ӨДҰ, ХЭБО, ДКҰ, ЮНЕП және т.б. қатысты.

Теңізге шығар жолы жоқ дамушы елдер тобына жарты миллиардтан астам халқы бар 32 ел кіреді. Қазақстан Теңізге шыға алмайтын ең ірі аумақтық және Әлемдік мұхиттан ең алыс (3000 км-ден астам) мемлекет.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT